Breaking News
धनकुटाको हिलेमा वुद्ध जयन्तीको अवसरमा औतारी लामाबाट वाङ्ग अभिशेक साथै शान्ति ¥याली सम्पन्न    ||     ‘पहिचानको आन्दोलनलाई बलियो बनाउन पहिचानवादी मोर्चा गठन’–डा.लावती    ||     नेपाल तामाङ घेदुङ प्रदेश नं.४ को अध्यक्षमा राम ब्लोन तामाङ चयन    ||     भीमनारायण गोल्डकप : एपीएफ र विर्तामोड युनाईटेड क्लव झापाविच उपाधिको लागि भिडन्त हुने    ||     भीमनारायण गोल्डकप : एपीएफ फाइनलमा    ||     भीमनारायण गोल्डकप : कडा प्रतिष्पर्धाको विच आयोजक सेमीफाइनलमा    ||     जिल्ला घेदुङ धनकुटाले आगामी फागुण–१२ गते हिलेमा सोनाम ल्होछार मनाउने    ||     ६ सय केजी गाँजा सहित ट्याङ्गकर प्रहरी नियन्त्रणमा    ||     चौतारीको २६ औं स्थापना दिवशमा विरामीलाई फलफूल वितरण    ||     चौबिसे रनिङ्ग कप फुटवल प्रतियोगिताको उपाधि वडा नं.६ राजारानीलाई    ||    

अंग्रेजी नयाँ वर्षको अवसरमा भेडेटारमा फुड फेस्टिवल आयोजना हुने

  •   ५ महिना अघि | ८ पुस २०८०, आइतवार

धनकुटा प्रेस अनलाईन खवर सम्वाददाता 

धनकुटा/धनकुटा र धरानको संगम स्थलको रुपमा रहेको पर्यटकीय स्थल भेडेटारमा अंग्रेजी नयाँ वर्ष सन् २०२४ को अवसर पारेर फुड फेस्टिवलको आयोजना हुने भएको छ । 

आयोजक होटल एशोसिएसन भेडेटारले शनिवार पत्रकार सम्मेलनको आयोजना गर्दै अंग्रेजी नयाँ वर्ष सन् २०२४ को अवसरमा आगामी पौष १५ देखि १७ गतेसम्म फुड फेस्टिवल हुने जानकारी दिएको हो । 

होटल एशोसिएसन भेडेटारले हरेक वर्ष फेस्टिवलको आयोजना गर्दै आइरहेको छ । यस वर्ष आयोजना हुने फेस्टिवल ११ औं संस्करणको हो ।

तीन दिनसम्म आयोजना हुने फेस्टिवलमा स्थानीय खानाका परिवार, स्थानीय अर्गानिक खेतीबाट उत्पादीत तरकारी तथा फलफुलको प्रदर्शनी, हस्तकला, कृषि तथा घरेलु सामाग्रीहरु प्रर्दशनीमा राखिने आयोजक होटल एशासिएसन भेडेटारका अध्यक्ष तुमराज लिम्बुले बताए । उनका अनुसार २५ वटा स्टल रहने छ । 

फेस्टिवल अवधिभर १ करोड रुपैया वरावरको आर्थिक कारोवार तथा ३० हजारसम्म वाह्रय तथा आन्तरिक पर्यटक घुम्न आउने अनुमान गरिएको सचिव लालवहादुर श्रेष्ठको भनाई छ । कार्यक्रममा वोल्दै साँगुरीगढी गाउँपालिका अध्यक्ष जितेन्द्र राईले भेडेटारमा हरेक वर्ष आयोजना हुँदै आइरहेको फेस्टिवल पर्यटकीय गतिविधि बढाउने माध्यम भएको बताए । 

फेस्टिवल संचालन गर्नका लागि २७ लाख ५० हजार रुपैयाको अनुमानित बजेट विनियोजन गरिएको छ । 

भेडेटारका होटलहरुमा फेस्टिवल अवधिभर खाना तथा लजमा २० प्रतिशतसम्म छुटको व्यवस्था गरिएको छ । महोत्सवमा आउने पर्यटकहरुलाई सागुरीगढी गाउँपालिका भित्र रहेको साँगुरीगढी, पाथिभरा मन्दिर, शंखेश्वर महादेवको मन्दिर, नाम्जे, नमस्ते झर्ना, शैलुङडाँडा, आत्म बस्ने घर थुम्की, बौद्धविहार, गुम्बा, ध्वजेडाँडा अजङगको बरको रुख लगायतका ठाउँमा घुमाइने छ ।  

फेस्टिवलको सह–आयोजक प्राकृतिक वातावरण स्रोत तथा पर्यैटन भेडेटार (नेष्ट), भेडेटार आमा समुह, सहयोगी साँगुरीगढी गाउँपालिका रहेको छ । 

त्यस्तै मुख्य प्रायोजक गोर्खा व्रुअरी, सहप्रायोजक नेपाल डिस्ट्रिलरी प्रा.लि., प्रवद्र्धक नेपाल पर्यटन वोर्ड, एभेन्ट पार्टनर भेडेटार पाथिभरा क्लव र वैकिङ पार्टनर नविल वैंक र गुराँस माइक्रो फाइनान्स रहेको छ । 

  • Dhankutapress

थप