धनकुटा प्रेस सम्वाददाता 

धनकुटा/प्रदेश न.१ कै चर्चित धार्मिकधाम धनकुटाको विश्रान्ति मन्दिरमा आगामी फागुण १५ गतेसम्म आयोजना हुने शिवमहापुराण उद्धघाटन समारोहको पुर्वसन्ध्यामा आइतबार धनकुटा बजारमा कलश यात्रा निकालिएको छ ।

धनकुटा–७ मा रहेको नर्वदेश्वर शिवलाय मिन्दरबाट शुरु भएको कलश यात्रा शिवमहापुराण आयोजक मूल समरोह समिति विश्रान्ति मन्दिरले आयोजना गरेको हो । कलशयात्रामा सहभागी भक्तजनहरुले कलश बोकेर भजनकृतन गर्दै निशान मन्दिर, गणेश मन्दिर, भिमसेन मिन्दर लगायत धनकुटा बजारको विभिन्न भागको परिक्रमा गरेका थिए । कलश यात्रामा सयौंको संख्यामा भक्तजनहरुको उल्लासमय वातबरणमा सहभागिता रहेको थियो ।

धनकुटा बजार परिक्रमा पश्चात विश्रान्ति मन्दिरमा शिव महापुरणको समुद्धघाटन परमादरणीय जगदगुरु अनन्तश्री विभूषित बालसन्त मोहनशरण देवचार्य महाराजले एक औपचारिक समारोहको बिच वैदिक विधिनुसार गरेका थिए । विद्धान अचार्य पण्डित दीपक पराजुलीबाट कथावाचन हुने विश्रान्ति मन्दिर शिवमहापुराण आगामी फागुण १५ गतेसम्म संचालन हुनेछ ।  विश्रान्ति मन्दिरमा गुरुकुलिय परम्परामा आधारित संस्कृत शिक्षामा पठनपाठन र त्यहाँ रहेको वृद्धवृद्धाहरुको लालनपालनको लागि सहयोगार्थ शिव महापुराण संचालन गरिएको विश्रान्ति मन्दिर व्यावस्थान समितिका महासचिव जनार्दन घिमिरेले जानकारी दिएका छन् । 

• dhankutapress