धनकुटा प्रेस अनलाईन खवर सम्वाददाता
सहिदभूमि/ जनता समाजवादी पार्टी नेपालको सहिदभूमि गाउँपालिकामा गाउँपार्टी कमिटी पुनर्गठन गरिएको छ ।
जसपाका नेता राजकुमार राईको प्रमुख आतिथ्यमा विहिवार सम्पन्न पालिका स्तरको भेलाले गाउँपार्टी कमिटी पुनर्गठन गरिएको हो । भेलाले टंक वहादुर राईको अध्यक्षतामा १६ सदस्सीय जसपा सहिदभूमि गाउँकमिटी गठन गरिएको छ ।
गाउँपार्टी कमिटीको उपाध्यक्षमा जगत राई, दुर्गा राई, सचिवमा रोशन राई, कोषाध्यक्षमा रीता राई र उप–सचिवमा कविराज राईलाई चयन गरिएको छ । त्यसैगरी सदस्यहरुमा मानदेव राई, लोकेन्द्र राई, नेत्र राई, लविप राई, सुजन राई, भूपालसिंह राई, पुत्रकुमार राई, गंगावहादुर वि.क.,सुवास राई र दलवहाद्ुर राईलाई चयन गरिएको छ ।
पार्टीको विधान महाधिवेशन पछि गाउँपालिका स्तरको संगठन विस्तार गर्ने अभियान अन्तर्गत पार्टीको सहिदभूमि गाउँ कमिटी गठन गरिएको जिल्ला समित डम्वर कटुवालले बताए । उनले यस अघि धनकुटा नगरपालिका, चौविसे गाउँपालिका, पाख्रीवास नगरपालिकामा पार्टी पुनःर्गठन भैसकेको वताए । उनले वाँकी ३ पालिकामाहरु छथरजोरपाटी, महालक्ष्मी र साँगुरीगढीमा पनि तत्काल पार्टी संगठन पुनःर्गठन गरिने बताए ।
- Dhankutapress
