Breaking News
धनकुटाको हिलेमा वुद्ध जयन्तीको अवसरमा औतारी लामाबाट वाङ्ग अभिशेक साथै शान्ति ¥याली सम्पन्न    ||     ‘पहिचानको आन्दोलनलाई बलियो बनाउन पहिचानवादी मोर्चा गठन’–डा.लावती    ||     नेपाल तामाङ घेदुङ प्रदेश नं.४ को अध्यक्षमा राम ब्लोन तामाङ चयन    ||     भीमनारायण गोल्डकप : एपीएफ र विर्तामोड युनाईटेड क्लव झापाविच उपाधिको लागि भिडन्त हुने    ||     भीमनारायण गोल्डकप : एपीएफ फाइनलमा    ||     भीमनारायण गोल्डकप : कडा प्रतिष्पर्धाको विच आयोजक सेमीफाइनलमा    ||     जिल्ला घेदुङ धनकुटाले आगामी फागुण–१२ गते हिलेमा सोनाम ल्होछार मनाउने    ||     ६ सय केजी गाँजा सहित ट्याङ्गकर प्रहरी नियन्त्रणमा    ||     चौतारीको २६ औं स्थापना दिवशमा विरामीलाई फलफूल वितरण    ||     चौबिसे रनिङ्ग कप फुटवल प्रतियोगिताको उपाधि वडा नं.६ राजारानीलाई    ||    

अन्तराष्ट्रिय तामाङ परिषदको पाँचौं सम्मेलन सनिवार देखी थाईलेण्डमा शुरु

  •   १२ महिना अघि | २० जेष्ठ २०८०, शनिबार

धनकुटा प्रेस अनलाईन सम्वाददाता

थाईलेण्ड/ अन्तराष्ट्रिय तामाङ परिषदको पाँचौं सम्मेलन सनिवार देखी थाईलेण्डमा शुरु भएको छ । 

संसार भरको पर्यटक लोभ्याउने दक्षिण एशियाको पर्यटकिय देश थाईलेण्डको राजधानी वैंकक स्थित् हाउहिन ग्राण्ड प्लाजामा शुरु भएको हो । पाँचौं अन्तराष्ट्रिय तामाङ परिषदका संस्थापक अध्यक्ष परशुराम तामाङले विशेष समारोहका साथ समुद्धघाटन गरेका हुन् ।

सम्मेलनमा, नेपाल, थाईलेण्ड, जापन, म्यान्मार, भारत, अमेरिका, कोरिया, हङकङ्ग, वराहिन, पर्चुगल, यूएइ, रोमानिया लगायत विश्वभरका विभिन्न देशमा छरिएर रहेका १८ देशका ६ सय भन्दा वढी तामाङहरु प्रतिनिधि पर्यवेक्षकको रुपमा उपस्थित् भइ सहभागी भएको नेपाल तामाङ घेदुङका संघिय समिति सदस्य विष्णु मोक्तान तामाङले थाइलेण्डबाट जानकारी दिए ।

उद्धघाटन समारोहमा तामाङ जातिको मौलिक साँस्कृतिक पराम्परामा आधारित तम्वाहरुले डम्फू वजाएर, बोन्बोहरु ढ्याङ्गग्रो बजाएर साङ्गसेर्गेम गरेका थिए । त्यसैगरी वौद्ध धर्मका लामा गुरुहरुले अष्टमंगल शान्तीपाठ (टाशीग्यापा) समेत गरेका छन् । सम्मेलनमा मानवशास्त्री डा.मुक्तसिंह लामा, कानुन्विद्ध डा.कुन्साङ योन्जन तामाङ, जापानको लागि पूर्व राजदुत डा.गणेश योन्जन तामाङ लगायत अतिथिहरुको उपस्थिति रहेको छ । 

‘जाम्बुलिङ खोरला जोम्ना ङ्हा, तामाङ रिमठिम तेम्बा ङा’ भन्ने मुल नाराको साथ आयोजना गरिएको दुई दिने अन्तराष्ट्रिय तामाङ सम्मेलनलाई तामाङ गीत संगितमय र मनोरञ्जनमय बनाउनको लागि नेपालबाट तामाङ कलाकार संघका अध्यक्ष, संगीतकार एवंम गायक विश्व दोङ तामाङ, तामाङ साँस्कृतिक घेदुङका अध्यक्ष छेवाङ्ग तेन्जिङ लामा, तम्बा घेदुङका अध्यक्ष पासाङ मोक्तान तामाङ, मिना लामा लगायत तामाङ राष्ट्रिय कलाकारहरुको प्रश्तुती रहने छ ।

संसारभरका तामाङ प्रतिनिधिहरुले अघिल्लो कार्यकालको समिक्षा गर्नुको साथै आगामी ५ वर्षको लागि अन्तराष्ट्रिय तामाङ परिषदको भावी कार्यदिशा सहित नयाँ नेतृत्व चयन गरिने नेपाल तामाङ घेदुङ संघिय समिति सदस्य विष्णु मोक्तान तामाङले थाईलेण्डबाट जानकारी दिएका छन् छन् । 

  • Dhankutapress

थप