धनकुटा प्रेस अनलाईन खवर सम्वाददाता 

धनकुटा/धनकुटा क्याम्पसका पुर्व प्राध्यापक एवं विद्धान स्वर्गिय हेमचन्द्र पोख्रेलको जीबनीमा आधारित पुस्तकको आइतबार चर्चापरिचर्चा गरिएको छ । 

नेपाली साहित्यिक पत्रकारितामा लामो समय देखि कलम चलाईरहेका वरिष्ठ साहित्यकार धीरकुमार श्रेष्ठद्धारा लिखित स्वर्गिय पोख्रेलको जीवनीमा आधारित पुस्तकको एक समारोहको विच चर्चा परिचर्चा गरिएको हो । पुस्तको चर्चा गर्दै धनकुटा वहुमुखी क्याम्पसका प्राध्यापक डा.यज्ञ प्रसाद गुरागाँईले लेखक श्रेष्ठले अनुशन्धनात्मक विधिबाट स्वर्गिय पोख्रेलको जीवनीको वारेमा पुस्तक लेखिएको आफूले पाएको बताए ।

उनले पुस्तक भित्र छिरेर हेर्दा स्वर्गिय पोख्रेलको वारेमा गर्वे सन्दर्भहरुको बिबरण पाठकले वुझिने गरी खुलाईएको बताए । यो पुस्तक मनगाण्न्ते निवन्धात्मक शैलीमा नभै वस्तुपरक अनुशन्धानात्मक शैलीमा लेखिएको पुस्तक आफूले पाएको प्राध्यापक गुरगाँईले बताए । 

पुस्तकका लेखक धीरकुमार श्रेष्ठले स्वर्गिय पोख्रेल धनकुटाको साहित्य थाम्न सक्ने व्यक्तित्व भएको आफूले पाएको भन्दै मेरो मेहनेत भन्दा उनको कृति राख्न कसरी सकिन्छ भनेर म आफू लालयित भएको वताए । त्यसैगरी त्रिवेणी माविका प्रधानाध्यापक दिपक पोख्रेल र स्वर्गिय पोख्रेलका छोरी भारती पोख्रेलले पनि पुस्तकको चर्चा गरेका थिए । सल्लेरी साहित्य संगम धनकुटाका अध्यक्ष रमेशचन्द्र अधिकारीको अध्यक्षतामा पुस्तकको चर्चा परिचर्चा गरिएको थियो ।  

• Dhankutapress