धनकुटा प्रेस सम्वाददाता 

धनकुटा/प्रदेश सरकार स्वास्थ्य मन्त्रालय, स्वास्थ्य आपुर्ति केन्द्र प्रदेश नं.१ विराटनगरले दुर्गम चार पहाडी जिल्ला अस्पतालहरुलाई स्वास्थ्य निर्देशनालय धनकुटाबाट वुधवार एम्वुलेन्स हस्तान्तरण गरिने जनाएको छ । 

प्रदेश नं.१ मुख्य मन्त्री राजेन्द्र कुमार राई र स्वास्थ्य मन्त्री जयराम यादवले संयुक्त रुपमा सम्वन्धित जिल्ला अस्पतालका प्रतिनिधिहरुलाई एक समारोहको विच एम्वुलेन्स हस्तान्तरण गरिने बताइएको हो । कार्यक्रम प्रदेश स्वास्थ्य निर्देशनालय धनकुटामा अपरान्ह ३ वजे आयोजना हुने समचार श्रोतले दावी गरेको छ ।

 प्रदेश स्वास्थ्य निर्देशनालय धनकुटामा हस्तान्तरणको लागि तयारी अवस्थामा राखिएका ठूला साईजका एम्वुलेन्सहरु । 

प्रदेश स्वास्थ्य निर्देशनालय धनकुटाले दिएको जानकारी अनुसार एम्वुलेन्स ओखलढुङ्गा, सोलुखम्वु, भोजपुर र पाँस्थर जिल्ला अस्पताललाई हस्तान्तरण गरिनेछ । क्रमशः पहाडी दुर्गम जिल्लाहरुलाई सुविधा सम्पन्न एम्वुलेन्स आगामी दिनमा वितरण गर्दै जाने तयारीको क्रममा पहिलो चरणमा १ नम्वर प्रदेशको दुर्गम ४ वटा पहाडी जिल्लाहरुलाई वितरण गरिएको प्रदेश स्वास्थ्य निर्देशनालय धनकुटाले जनाएको छ । 

• Dhankutapress