धनकुटा प्रेस अनलाईन सम्वाददाता
काठमाडौँ/यही भाद्र १७ गते प्रदेशको नाम कोशी खारेजी माग राख्दै ललितपुरको जाउलाखेलमा बिशाल र्याली गर्ने भएको छ। किरात याक्थुङ चुम्लुङ्को ३५ औ स्थापना दिवसको अवसरमा उक्त र्याली गर्न लागेको चुम्लुङका महासचिव निरंती तुम्बापोले बताए।
महासचिव निरंती तुम्बापोका अनुसार किरात याक्थुङ चुम्लुङको ३५ औँ स्थापना दिवसको उपलक्ष्यमा ५ दिनको दिवस सम्पन्न गर्दै भाद्र १७ गते बिहान ११ बजे ललितपुरको जाउलाखेल पार्क देखी चुम्लुङ हिमसम्म बिशाल र्याली गर्ने तयारी गरेको बताए।
महासचिव तुम्बापोले भने ‘प्रदेशको नाम कोशी खारेजी आन्दोलन निरन्तर चलि रहेको छ। यसमा किरात याक्थुङ चुम्लुङ सधै साथ, समर्थन र सहभागी हुदै आएको छ। किरात याक्थुङ चुम्लुङ्को ३५ औ स्थापना दिवसको अवसरमा पनि बिरोद्ध स्वरुप उक्त र्याली गर्नु लागेका हौ।’
२०७९ फाल्गुन १७ गते तत्त्कालिन एमालेका हिक्मत कार्की नेतृत्वको सरकारले ८२ जना संसदले हस्ताक्षर गरी प्रदेश १ लाई कोशी प्रदेश नानाकरण गरे पछी पहिचान पक्षधरहरुले उक्त नाम खारेज गरि पहिचानको आधारमा पुनः नामङ्कन गर्नु पर्ने भन्दै निरन्तर आन्दोलन गर्दै आइरहेको छन्। जसमा किरात याक्थुङ चुम्लुङ पनि प्रदेश १, पुनःनामाङ्कन संयुक्त सङघर्स समितिको एक घटक हो।
आन्दोलनको क्रममा ०७९ चैत्र ५ गते बिराटनगरमा भएको बृहत जनप्रदर्शन हुदा प्रहरीसंगको दोहोरो झडपमा पदम लिम्बु “लाजेहाङ” ले शाहदत प्राप्त गरेका थिए । त्यस्तै, प्रदेश १, पुनः नामाङ्कन संयुक्त सङघर्स समितिको अनुसार २५० भन्दा धेरै घाइते भएको जनाएको छ। सङघर्स समितिले प्रदेशको नाम कोशी खारेजी नभएसम्म निरन्तार आन्दोलन जारी राख्ने बताएको छ।
- Dhankutapress
