धनकुटा प्रेस अनलाईन सम्वाददाता 

विराटनगर/ प्रदेशको नामाकरण विरुद्ध विराटनगरमा आयोजित पहिचानका लागि सडक साहित्यिक यात्रामा सहभागी नेपाल पत्रकार महासंघ सुनसरीका अध्यक्ष जनकऋषी राईलाई प्रहरीले विहिवार पक्राउ गरेको छ ।

कोशी प्रदेश संसद भवन नजिक कविता बाचन सुरु गरेका अध्यक्ष राईलाई प्रहरीले त्यहाँबाट हट्न निर्देशन दिएको थियो । राईले कविता वाचन गर्न थालेपछि उनलाई प्रहरीले पक्राउ गरेको हो ।

महासंघ सुनसरीका अध्यक्ष राईसहित अर्का सन्जय याख्खा पनि पक्राउ परेका छन् । उनी पनि धरानका पत्रकार नै हुन् । किराँत राई लेखक संघ, किराँत अन्तराष्ट्रिय साँस्कृतिक अभियान, याक्थुङ लेखक संघले आयोजना गरेको सडक साहित्यिक यात्रामा सहभागी हुन विभिन्न जिल्लाबाट साहित्यकारहरु विराटनगर आएका थिए । प्रदेशको नामाकरणमा पहिचान मेटाएर कोशी राखिएको विरोधमा किराँत–लिम्बुहरु विरोधका कार्यक्रम गर्दै आएका छन् । 

यसै विच आदिवासी जनजाति पत्रकार महासंघ (फोनिज) लिम्वुवान–किराँत प्रदेस समितिले प्रहरी हस्तक्षेपको विरोध जनाएको छ । फोनिजले भनेको छ–नेपालको संविधान–०७२ को भाग ३ को धारा १७ ले  व्यवस्था गरेको मौलिक हकको उपधारा २ को क वमोजिम विचार र स्वतन्त्रताको हक हुनेछ भनिएको छ । यो नेपाली नागरिकलाई संविधानले दिएको वोल्न पाउने वाक स्वतन्त्रताको गम्भिर उलंघन भएको फोनिजको ठहर ।

प्रदेस सरकारले संविधान प्रद्धत अधिकार प्रयोग गर्न पनि नागरिकलाई नदिएको प्रति मानव अधिकारको समेत उलंघन भएको छ । प्रदेस सरकार संविधानले नागरिकलाई अन्याय पर्दा राज्य व्यवस्थाले थिचोमिचो गर्दा वोल्न पाउने, लेख्न पाउने अधिकार नै हन्न गर्न उद्धत हुन्छ भने यो एकामकवादी राज्यसत्ताको पराकाष्ट हो भन्ने फोनिजको ठम्याई रहेकोे फोनिज लिम्वुवान किराँत प्रदेस समितिका अध्यक्ष सन्तवीर लामाले वताएका छन् । 

• Dhnakutapress