धनकुटा प्रेस सम्वाददाता 

धनकुटा/धनकुटाको छथरजोरपाटी गाउँपालिका–६ सिधुवा बजारमा भएको आगलागीबाट ४९ लाख बराबरको क्षति जिल्ला प्रहरी कार्यालय धनकुटाले जनाएको छ । तर, छथरजोरपाटी गाउँपालिकाले भने २ करोड, ४६ लाख, ४० हजार वरावरको क्षति भएको जनाएको छ । शुक्रबार साँझ करीब ७ः३० बाट सुरुभएको आगलागीबाट ५ वटा घर जलेर नस्ट भएका छन् ।

आगलागीबाट सन्तबहादुर (सन्तोष) राईको घरमा रहेको फ्रेस हाउसबाट सल्किएको आगोले काठ र टिनका पाताले बनेको २ तले घर पुर्ण रुपमा जली नष्ट भएको थियो । आगलागीबाट राईको २ तोला सुन, नगद २ लाख, २० वटा कुखुरा जल्दा अन्दाजी ३७ लाख बराबरको क्षति भएको छ । 

त्यस्तै गरी सोही स्थानका डिकबहादुर खडका र होम बहादुर थापाको संयुक्त रुपमा रहेको २ तले पक्की घर पनि जलेको छ । अगालागीबाट थापा र खड्काको करीब ५ लाख पचास हजार बराबरको क्षति भएको छ । अर्का झमक वहादुर थापाको २ तले पकी घर आंशिक क्षती भएको छ । उनको ७० हजार नगद ५ थान खाट, २ तोला सुन र लताकपडा जली नष्ट हुँदा अन्दाजी ५ लाख बराबरको क्षति भएको छ ।

त्यस्तै अर्जुन घिमिरेको २ तले पकी घरको माथिल्लो तला आंशिक क्षति भई लजको २ कोठाको ट्रस, लताकपडा गरी अन्दाजी १ लाख बराबरको क्षति भएको छ । अर्का डम्बर थापाको अन्दाजी ५० हजार बराबरको काठ जली क्षति भएको छ । ७ः३० वजेबाट सुरु भएको आगलागी करीब डेढ घण्टा पछि नियन्त्रण्मा आएको थियो । 

आगलागीबाट सवै घरमा गरी करीब ४९ लाख बराबरको क्षती भएको जिल्ला प्रहरी कार्यलय धनकुटाका प्रवक्ता डिएस्पी नरेन्द्र कुवँरले जानकारी दिएको छ । यता छथरजोरपाटी गाउँपालिकाका अध्यक्ष छत्र सुब्बाले भने आगलागीबाट २ करोड, ४६ लाख, ४० हजार वरावराको क्षति भएको बताएका छन् । 

आगलागी नियन्त्रणका लागी धनकुटा नगरपालिकाको दमकल, तेह्रथुमको लालीगुरास नगरपालिकाको दमकल, नेपाली सेना, शसस्त्र प्रहरी, नेपाल प्रहरी स्थानियले डेढ घण्टा पछि आगो नियन्त्रणमा लिएका थिए । 

पिडित परिवारलाई राहात वितरण :

छथरजोरपाटी गाउँपालिकाका अध्यक्ष छत्र सुब्बा पिडित परिवारलाई राहात वितरण गर्दै ।

यसै विच छथरजोरपाटी गाउँपालिकाले अग्नी पिडित ७ परिवारलाई सनिवार विहानै राहात वितरण गरेको छ । पालिकाले प्रति परिवार नगद १५ हजार, दालचामल, भाँडावर्तन, लत्ताकपडा, ग्याँस चुला, त्रिपाल प्रदान गरेको अध्यक्ष छत्र सुब्बाले वताए । त्यसैगरी जिल्ला प्रशासन कार्यालय धनकुटाले सन्तवहादुर राई, झमक वहादुर थापाको परिवारलाई २०/२० हजार र होम वहादुर थापाको परिवारलाई १५ हजार नगद प्रदान गरेको अध्यक्ष सुव्वाले बताए । त्यसैगरी जिल्ला रेडक्रस सोसाईटी जिल्ला शाखा धनकुटाले पिडित परिवारलाई त्रिपाल, भाँडावर्तन, लत्ताकपडा राहात उपलव्ध गराएको छ । 

सिधुवा वजार आगलागी पिडितलाई जिल्ला रेडक्रस सोसाइटी धनकुटा मार्फत छथरजोरपाटी गाउँपालिकाका निवर्तमान अध्यक्ष शेर वहादुर लिम्वु राहात वितरण गर्दै । 

आगलागीमा परि सन्तवहादुर राई, झमक वहादुर थापा, ललिता राई र होम वहादुर थापाको केहि पनि नवचेको त्रिपाल नै टाँगेर वस्नु पर्ने अवस्था सृजना भएको छ । यता सिधुवा वजार व्यवस्थापन समिति, नेपाल रेडक्रस सोसाइटी सिधुवा उप–शाखा, उधोग वाणिज्य संघ छथरजोरपाटी र परोपकार युवा समुह छथरजोरपाटीले पिडित परिवारलाई राहात संकलन कार्यको थालनी गरेको छ ।   

• Dhankutapress