धनकुटा प्रेस अनलाईन सम्वाददाता 

धनकुटा/निजामती सेवा जनताको लागि भरपर्दो हुनु पर्नेमा शुक्रवार धनकुटामा आयोजित एक कार्यक्रममा सहभागी वक्ताहरुले जोड दिएका छन् । 

निजामती सेवा दिवस–२०८०’ मूल समारोह समिति धनकुटाले आयोजना गरेको शुभकामना आदन–प्रदान तथा पुरस्कार वितरण समारोहमा सहभागी वक्ताहरुले यस्तो जोड दिएका हुन् । उनीहरुले ‘व्यवसायिक र सिर्जशिल प्रशासनः विकास, समृद्धि र सुशासन’ भन्ने नारालाई सफल पार्न सम्पूण राष्ट्रसेवक कर्मचारीहरुले जिम्मेवार भएर भूमिका निर्वाह गर्नु पर्नेमा समेत जोड दिएका छन् ।

कार्यक्रम उच्च अदालत विराटनगर धनकुटा इजलासका माननीय न्यायधिश अञ्जु उप्रेती ढकालको प्रमुख आतिथ्यता र माननिय न्यायधिश फूर्पा तामाङको विशेष आतिथ्यतामा सम्पन्न भएको थियो । सो कार्यक्रममा निजामती सेवा दिवसको अवसरमा कर्मचारी मिलन केन्द्र धनकुटाले आयोजना गरेको अन्तर कर्मचारी खुल्ला ब्याडमिटन प्रतियोगिताका विजयी खेलाडीहरुलाई नगद पुरस्कार, ट्रफी, मेडल र प्रमाणपत्र वितरण गरिएको थियो ।

प्रतियोगितामा सहभागी टिम मध्ये प्रथम हुने घरेलु तथा साना उद्योग कार्यालय धनकुटाका इश्वर थापा र मालपोत कार्यालय धनकुटाका रामकृष्ण सुवेदी भूवनको जोडीलाई नगद ५ हजार, ट्रफी, मेडल र प्रमाणपत्र प्रदान गरिएको थियो । त्यसैगरी प्रतियोगितामा दोश्रो हुने साँगुरीगढी गाउँपालिकाका प्रशासन शाखा प्रमुख द्रोर्ण वहादुर राई र कोष तथा लेखा नियन्त्रण कार्यालय धनकुटाका राजु कार्कीको टिमलाई नगद ४ हजार, ट्रफी, मेडल र प्रमाण पत्र प्रदान गरिएको थियो । 

त्यसैगरी प्रतियोगितामा तेश्रो हुने सुरज खनाल–प्रकास कार्की र दिपेश भूजेल–विष्णु गौतमको टिमलाई नगद ३/३ हजार, ट्रफी, मेडल र प्रमाणपत्र प्रदान गरिएको केन्द्रका अध्यक्ष एवं कोष तथा लेखा नियन्त्रण कार्यालय धनकुटा प्रमुख एवं कर्मचारी मिलन केन्द्र धनकुटाका अध्यक्ष ध्रुर्व कार्कीले बताए । प्रतियोगितामा विजयी खेलाडीहरुलाई उच्च अदालत विराटनगर धनकुटा इजलासका माननीय न्यायधिश कार्यक्रमका प्रमुख अतिथि अञ्जु उप्रेती ढकाल, विशेष अतिथि माननिय न्यायधिश फूर्पा तामाङ र प्रमुख जिल्ला अधिकारी पून्यविक्रम पौडेलले नगद, ट्रफी, मेडल र प्रमाणपत्र प्रदान गरेका थिए । 

शुभकामना आदन प्रदान तथा पुरस्कार वितरण कार्यक्रम आयोजना गर्नुपूर्व धनकुटा वजारको मदनचोकमा भेला भएर राष्ट्रसेवक कर्मचारीहरुले प्रभातफेरी मार्फत धनकुटा वजारको परिक्रमा गरेका थिए । वजार परिक्रमा पश्चात धनकुटा न.पा.को हलमा प्रमुख जिल्ला अधिकारी पून्यविक्रम पौडेलको अध्यक्षतामा पुरस्कार वितरण तथा शुभकामना आदन प्रदान कार्यक्रम आयोजना गरिएको थियो ।  

• Dhankutapress