धनकुटा प्रेस अनलाईन सम्वाददाता

धनकुटा/गोरु काटेको अभियोगमा जिल्ला कारगार धनकुटामा कैद भुक्तान गरिरहेका धनकुटा न.पा.६ का वर्ष ४० का सिमन विशंखे सोमवार छुटेका छन् । 

उनी नेपाल सरकारले गणतन्त्र दिवशको अवसरमा कैद भुक्तान तोकिएको अवधीमा ८ महिना १ दिन छुट भएपछि विशंखे छुटेका हुन् । जिल्ला अदालत धनकुटाले गोरु काटेको अभियोगमा ०७७ साल चैत्र १० गतेको अदालतको फैसलाले १ वर्ष ६ महिना वरावरको जेल सजाँय हुने गरी समय अवधि तोकेको थियो । अदालतले जेल सजाँय फैसला गरेको  करिव १ वर्ष ४ महिना पछि उनी ०७९ श्रावण १५ गते आफ्नै घरबाट पक्राउ परेका थिए । सिमन अदालतले तोकेको १ वर्ष ६ महिना वेरुजु कैद अवधिमा ९ महिना २९ दिन कैद भुक्तान गरी, ८ महिना १ दिन छुट पाएका थिए । जिल्ला कारगार धनकुटामा विशंखेलाई उनका श्रीमती देवी विशेंखे वुझेर लगेका छन् । 

आफ्नो श्रीमान सिमन विशंखे जेलमुक्त भएको भन्दै देवीले जेलर शिव कुमार श्रेष्ठलाई धन्यवाद् दिए । उनीसंगै पक्राउ परेका धनकुटा न.पा.६ का वर्ष ३९ का विकास विशंखे भने जिल्ला कारगार धनकुटाबाट स्वइच्छाले सरुवा मागे पछि ०७९ मंसिरको अन्तिम साता झुम्का कारगार सुनसरीमा सरुवा गरिएको जेलर शिव कुमार श्रेष्ठले वताए । 

उनले गणतन्त्र दिवशको अवसरमा नेपाल सरकारले १ नम्वर प्रदेशको विभिन्न जिल्ला कारगारमा कैद भुक्तान गरिरहेका १ सय ७ जनालाई कैद भुक्तान अवधि छुट दिएको बताए । देशको सात वटै प्रदेशको विभिन्न जिल्ला कारगारहरुमा कैद भुक्तान गरिरहेका ४ सय ८२ जना कैदीवन्दीहरुले गणतन्त्र दिवशको अवसरमा नेपाल सरकारले जेल सजाँय छुट दिएको जेलर श्रेष्ठले बताए । जिल्ला कारगार धनकुटामा २ महिला सहित ९४ जना कैदिवन्दीहरु रहेका छन् । 

• Dhankutapreess