धनकुटा प्रेस अनलाईन खबर सम्वाददाता 

धरान/नेकपा (माओवादी केन्द्र) सम्बद्ध जनबार्गिय संगठनको रूपमा रहेको इन्जिनियरहरुको संगठन नेपाल राष्ट्रिय इन्जिनियर संगठन (एनइओएन) कोशी प्रदेशको प्रथम सम्मेलन पुर्वान्चाल इन्जिनियरिङ अध्ययन संस्थान, धरानमा शुक्रवार सम्पन्न भएको छ ।

नेकपा (माओवादी केन्द्र) कोशी प्रदेशका अध्यक्ष क.हर्क नेम्बाङ (मिक्सो) को प्रमुख आतिथ्यतामा भेला सम्पन्न भएको हो । भेलामा धरान उप महानगरपालिकाको उप–मेयर आइन्द्र बिक्रम बेघाको पनि उपस्थिति रहेको थियो । सम्पन्न प्रथम सम्मेलनबाट हरसत अलि नेपालको अध्यक्षतामा २५ सदस्यीय प्रदेश समिति चयन भएको छ ।

उक्त नव गठित समितिको उपाध्यक्षमा दुर्गा मण्डल र बिष्णु बुढाथोकी, सचिवमा संगीता पोखरेल, सह–सचिवमा प्रदिप लिम्बू र प्रदिप कोइराला साथै  कोषाध्यक्षमा अस्मिता राई चयन भएका छन् । कोशी प्रदेश भेला आयोजक समितिका सह–संयोजक सुरेन्द्र सुब्बाको अध्यक्षतामा भेला सम्पन्न भएको थियो ।

• Dhankutapress