धनकुटा प्रेस सम्वाददाता

सुनसरी/सुनसरीको धरान उप–महानगरपालिका–१८ मा रहेको न्यु कान्तिपुर होटल एण्ड लजको १०९ नम्बर कोठामा यही फाल्गुन १७ गते मृत अवस्थामा फेला परेकी महिलाको पहिचान भएसंगै उनको हत्यामा संग्लग्न १ जना हत्यारा युवालाई प्रहरीले ठाउँको ठाउँ पक्राउ गरेको छ ।

पक्राउ पर्नेमा पाख्रीवास नगरपालिका–६ धनकुटाका २४ बर्षीय जिवन उपनामका बिनेश राना रहेका छन् । फाल्गुन १७ गते बिहान ७ बजेको समयमा होटलको कोठामा १ जना महिला मृत रहेको भनी जानकारी पाए लगत्तै इलाका प्रहरी कार्यालय धरानबाट प्रहरी टोली खटि गई घटना सम्वन्धमा अनुसन्धान शुरु गरेको थियो ।

तत्काल पहिचान नखुलेकी महिला मृत अवस्थामा रहेको पाएसंगै पहिचान गर्ने क्रममा पाँस्थर जिल्लाको मिक्लाजुङ गाउँपालिका–१ पाँचथर घर भई हाल ईटहरी–५ मा बस्दै आएकी ३९ बर्षीया सुमित्रा तामाङ रहेको खुलेको थियो । यसरी मृतकको पहिचान खुलेसंगै घटनामा संग्लग्नको खोजतलास गर्ने क्रममा रानालाई फाल्गुन २१ गते बेलुका धनकुटाबाट प्रहरीले पक्राउ गरेको हो ।

हत्याको आरोपमा पक्राउ परेका रानाको सम्बन्धमा इलाका प्रहरी कार्यालय धरानबाट थप अनुसन्धान भईरहेको छ । घट्ना स्थलमा रानाको पासपोर्ट साईजको फोटो फेला परेको आधारमा रानालाई पहिचान गर्न प्रहरीलाई सहज भएको बताइएको छ । 

• dhankutapress