धनकुटा प्रेस अनलाईन खवर सम्वाददाता 

धनकुटा/धनकुटा हिले सडक खण्डमा आईतवार दिउँसो ४.४५ वजे ट्याम्पो दुर्घटना हुँदा ४ जना गम्भिर घाईते भएका छन् । घाईते मध्ये २ जना गम्भिर घाईते भएका छन् । 

को २ ह २५२५ नम्वरको ट्याम्पो दुर्घटना हुँदा धनकुटा–४ का वर्ष ३० का विश्वजित राना मगरको टाउकोमा गम्भिर चोट लागेको छ । रानाको टाउँको, शरिरको विभिन्न भागमा गम्भिर चोट लागेको छ । त्यसैगरी धनकुटा–४ का वर्ष २० का असन आले मगरको देव्रे खुट्टामा गम्भिर चोट लागेको छ । ट्याम्पो धनपा–४ स्थित् लोकसेवा आयोगबाट वसपार्क आउने क्रममा सल्लेरी वन नजिकै दुर्घटना भएको थियो । 

त्यसैगरी झापा झिल्झिले घर भएको वर्ष २० की नेहा राईको टाउँकामा गम्भिर चोट लागेको छ । अर्का घाईते झापा विर्तामोडकी वर्ष १९ की आइसा अली गम्भिर घाईते भएका छन् । उनको दाहिने हातमा गम्भिर चोट लागेको जिल्ला ट्राफिक प्रहरी कार्यालयका हल्दार दिपक खड्काले जानकारी दिए । 

घाईते मध्ये ट्याम्पोका चालक विश्वजित राना मगर र सोही ट्याम्पोमा सवार आयूषा अलीलाई थप उपचारको लागि विपि कोइराला स्वास्थ्य विज्ञान प्रष्ठिान धरान पठाइएको हल्दार खड्काले बताएका छन् । 

• Dhankutapress