धनकुटा प्रेस अनलाईन खवर सम्वाददाता 

धनकुटा/धनकुटा जिल्लाको ऐतिहासिक औद्योगिक ग्रामको आइतवार कोशी प्रदेशका उद्योग, कृषि एवं सहकारी मन्त्री माननीय रामकुमार खत्रीले स्थलगत निरिक्षण गरेका छन् ।

कोशी प्रदेशका उद्योग, कृषि एवं सहकारी मन्त्री माननीय रामकुमार खत्रीको प्रमुख आतित्थ्यमा सम्पन्न औद्योगिक ग्रामको निरिक्षण एवं छलफल कार्यक्रम सम्पन्न भएको थियो । छलफल कार्यक्रमलाई सम्बोधन गर्दै मन्त्री खत्रीले भने–‘धनकुटाको ऐतिहासिक औद्योगिक ग्रामलाई कसरी व्यवस्थित ढंगले चलायमान गर्न सकिन्छ, त्यस तर्फ प्रदेश सरकारको ध्यान जान्छ ।’ उनले औधोगिक ग्रामलाई उत्कृष्ट रुपमा संचालन गर्न सकिन्छ भन्ने विषयमा प्रदेश सरकार अन्तर्गतको उद्योग मन्त्रालय लागिरहेको बताए । 

औद्योगिक ग्रामलाई प्रदान गरिदै आएको अनुदान रकम वृद्धि गर्दै जाने मन्त्रालय लागि परेको मन्त्री खत्रीले आश्वास्थ पारे । उनले औधोगिकग्राममा मुख्य समस्याको रुपमा रहेको खानेपानीको समश्यालाई जसरी भएपनि समाधान गर्ने तर्फ उद्योग मन्त्रालय लाग्ने बताए । कोशी प्रदेश धनकुटाको एकमात्र ऐतिहासिक औद्योगिक ग्रामको निरिक्षण पश्चात औद्योगिक ग्रामको सभाहलमा छलफल कार्य समेत सम्पन्न गरिएको औद्योगिक ग्रामका अध्यक्ष तिलक बहादुर महतले बताए । कार्यक्रममा जिल्लाका विभिन्न कार्यालयका प्रमुख, संचारकर्मीहरुको समेत उपस्थिति रहेको थियो ।

• Dhankutapress