धनकुटा प्रेस अनलाईन खवर सम्वाददाता 

धनकुटा/धनकुटा नगरपालिका वडा नं.४ देब्रेवासमा सोमवार देखि श्रीमद् भागवत सप्ताह ज्ञान महायज्ञ शुरु भएको छ । 

यहाँ रहेको लक्ष्मी नारयण मन्दिरको सहयोगार्थ जनकल्याण टोलवस्ती संगठनको आयोजनामा श्रीमद् भागवत सप्ताह ज्ञान महायज्ञ शुरु गरिएको धनपा–४ का वडा सदस्य कविन्द्र अधिकारीले बताए ।

सप्ताहको पुर्व सन्ध्यामा लक्ष्मीनारयण मन्दिर व्यवस्थापन समितिका पदाधिकारी, सदस्यहरु एवं स्थानिय भक्तजनहरुले धनकुटा बजारमा कलश यात्रा निकालेका छन् । उनीहरुले धनकुटा नगरपालिका वडा नं.४ देव्रेवास स्थित् लक्ष्मीनरयण मन्दिर देखि कलश यात्रा शुरु गरेर बजारको विविभन्न भागको परिक्रमा गरेका थिए । वजार परिक्रमा गर्ने क्रममा उनीहरुले माथिल्लो कोप्चे, विहिवारे हाट, तल्लो कोप्चे, टुडिखेल हुँदै निशान भगवतीको मिन्दर परिक्रमा गरेर पुनः लक्ष्मीनारयण मन्दिर देव्रेवास पुगेका थिए ।  

श्रीमद् भागवत सप्ताह ज्ञान महायज्ञमा वराह क्षेत्र चतरा सुनसरीका मुख्य पण्डित योगेश भण्डारीको मुखरावृन्दाबाट कथा वाचन हुने जनकल्याण टोलवस्ती संगठनका अध्यक्ष कालिका अधिकारीले बताईन । भण्डारीको साथमा अन्य ६ जना पण्डितहरुको पनि सहभागीता रहेको टोल अध्यक्ष अधिकारीले बताईन । श्रीमद् भागवत सप्ताह ज्ञान महायज्ञ आगामी चैत्र ५ गतेसम्म आयोजना हुने 

आयोजकले जनाएका छन् । सप्ताह ज्ञान महायज्ञको लागि आवश्याक पर्ने आर्थिक व्यवस्थापनको जिम्मा टोलवस्ती संगठन र मन्दिर व्यवस्थापन समितिले लिएको वडा सदस्य कविन्द्र अधिकारीले बताएका छन् ।   

• Dhankutapress