धनकुटा प्रेस अनलाईन खवर सम्वाददाता

धनकुटा/जनता समाजपादी पार्टी नेपालको साँगुरीगढी गाउँकमिटि सोमवार पुनर्गठन गरिएको छ । 

पार्टीका संघीय समितिका सचिव राजकुमार राईको प्रमुख आतिथ्यमा सम्पन्न भेलाले लिम्वुवान राष्ट्रिय समितिका सदस्य समेत रहेको यूवा नेता खड्ग आङ्गलालाई अध्यक्षमा चयन गरिएको छ । आङ्गला ०७४ को स्थानिय तहको निर्वाचनमा साँगुरीगढी गाउँपालिका वडा नं.४ का निर्वाचित वडाध्यक्ष हुन् । उनी तत्कालिन समयमा संघीय समाजवादी फोरम नेपालबाट वडाध्यक्षमा विजयी हासिल गरेका थिए । ०७९ को स्थानिय तहको निर्वाचनमा झिनो मतले वडाध्यक्षमा पराजित भएका थिए । 

त्यसैगरी गाउँ कमिटिको उपाध्यक्षमा भीम लिम्वू, पुनम लिम्वू राई, सचिवमा सुरेश याम्फू, सह–सचिवमा नरेन्द्र लिम्वू र कोषाध्यक्षमा सुबोध इबाहाङ्गलाई चयन गरिएको छ । 

२४ सदस्यीय गाउँ कार्य समितिको सदस्यहरुमा दुर्गा प्रसाद थेगिम, संगीता लिम्वू, सूमन लिम्वू, रजुला राई, हेलन राई, भूपाल सिं राई, जगत राई, पूर्णसिं राई, चन्द्र राई, विनोद लिम्वू, दिलकुमार लिम्वू,सन्देश इङ्गनाम, नरेन्द्र लिम्वू, हरि इवाहाङ्ग, सुवोध लिम्वू, सुजना निरौला, फुलमाया वि.क. र प्रकास लिम्वूलाई चयन गरिएको छ । 

साँगुरीगढी गाउँपालिकाका उपाध्यक्ष भीम लिम्वूको अध्यक्षतमा सम्पन्न गाउँ कमिटी पुनर्गठन तथा भेलामा संघीय समितिका सचिव राजकुमार राईलाई पार्टीको समसामयिक विषयमा प्रशिक्षण दिएका थिए । उनले पार्टीले संचालन गरेको ४ महिने ‘जनतासंग जसपा’ संगठन सुदृढिकरण अभियानको बारेमा जानकारी गराएका थिए । उनले पार्टीको जिम्मेवार पदमा बसेका केहि नेताहरुले पार्टीको छोडे पनि नआत्तिन सहभागी पार्टी कार्यकर्ताहरुलाई आग्रह गरे । उनले भने–‘स्वार्थको पछि लागेर हिडियो भने अधिकार प्राप्त नहुने भएकाले सम्पूर्णलाई एक भएर अघि वढ्न म आग्रह गर्छु ।’

पार्टीका जिल्ला अध्यक्ष पार्वती राईले साँगुरीगढी गाउँपालिकाको १० वटै वडामा पार्टी पुनर्गठन गरेर चाँडै वृहत गाउँ भेला गर्ने तयारी भैरहेको बताए । उनले भेला तथा वैठकले गएको भाद्र ३ गते जसपा त्याग गरी अन्य पार्टीमा प्रवेश गरेकाहरुलाई साधरण सदस्य समेत नरहने गरी निस्काशन गरिएको बताए । भेलामा जिल्ला सचिब डम्वर कट्वाल, जिल्ला कमिटी सदस्य भवानी शंकर चाम्लीङ, सर्मिला राई, लिम्वूवान राष्ट्रिय समिति सदस्य सोनिका आठपहरिया लगायतको उपस्थिति रहेको थियो । 

• dhankutapress