धनकुटा प्रेस अनलाईन खवर सम्वाददाता
धनकुटा/नेकपा एमाले धनकुटाले नेपालीहरुको विभिन्न राष्ट्रिय पर्वहरुको अवसर पारेर मंगलवार शुभकामना आदन प्रदान कार्यक्रम सम्पन्न गरेको छ ।
नेकपा एमालेका पार्टी स्थायी कमिटी सदस्य शेरधन राईको प्रमुख आतित्थ्यमा सम्पन्न शुभकामना आदन प्रदान कार्यक्रममा सहभागी अतिथिहरुलाई जिल्ला अध्यक्ष इन्द्रमणी पराजुलीले स्वागत गर्दै सम्वोधन गरेका थिए ।
कार्यक्रममा एमाले प्रदेश कमिटी अध्यक्ष घनश्याम खतिवडा, उपाध्यक्ष टिकाराम चेम्जोङ, सचिव राजकुमार भण्डारी, उप–सचिव देवान राई,जलवर्षा राजवंशी, नेपाली कांग्रेस धनकुटाका अध्यक्ष दिनेश राई, सचिव विजय सन्तोषी राई, नेकपा मओवादी केन्द्रका धनकुटा जिल्ला संयोजक कुसुम कुमारी श्रेष्ठ, जसपाका धनकुटा सचिव डम्वर कटुवाल, राप्रपाका टिका घिमिरे लगायतको उपस्थिति रहेको थियो ।
कार्यक्रममा एमाले पालिका कमिटी अध्यक्षहरु, जिल्ला तहका पार्टीका नेता तथा कार्यकर्ताहरु, सरकारी कार्यालयका प्रमुख एवं प्रतिनिधिहरुको पनि उपस्थिति रहेको थियो । कार्यक्रममा प्रदेश माननिय निरन राई, जिल्ला समन्वय प्रमुख निरेन तामाङ, प्रमुख जिल्ला अधिकारी पून्यविक्रम पौडेलको समेत उपस्थिति रहेको थियो ।
- Dhankutapress