धनकुटा प्रेस अनलाईन सम्वाददाता
धनकुटा/नेकपा एमालेका महासचिव शंकर पोख्रेलले कोशी प्रदेश भित्र रहेको किराँत सभ्यतालाई प्रदेश सरकारले सम्वोधन गर्ने बताएका छन् ।
नेकपा एमाले कोशी प्रदेश कमिटिले धनकुटाको नाम्जेमा आयोजना गरेको मिसन ग्रासरुट पार्टी सुदृढीकरण तथा विस्तार अभियानको कोशी प्रदेश स्तरिय २ दिने समिक्षा वैठक समापन कार्यक्रममा पत्रकारहरुसंग वोल्दै महासचिव पोख्रेलले आइतवार यस्तो बताएका हुन् ।
१ नम्वर प्रदेशको नाम प्रदेश सरकारले ठूलो दलको शिर्ष नेताहरुको सरसल्लाह र सहमतीमा साझा नाम ‘कोशी’ राखीएको महासचिव पोख्रेलले जिकिर गरे । उनले भने-‘कोशी प्रदेश नामकरण त्यसै टुङ्गो लागेको हैन, प्रदेशसभामा निर्वाचित २ तिहाई जनप्रतिनिधिहरुले नाम टुङ्गो लगाएको हो ।’ उनले भने-‘अब यो परिवर्तन गर्न सम्भव छैन ।’ पोख्रेलले यस ठाउँका जातजातिको भाषिक, साँस्कृतिक र ऐतिहाशिकतालाई कोशी प्रदेशसंग जोडेर स्थापित हुने गरी प्रदेश सरकारले कार्यक्रम ल्याउँने बताए ।
साविकको १ नम्वर प्रदेशवासीले ऐतिहाशिक पृष्ठभूमी र पहिचानको आधारमा प्रदेशको नाम राख्नु पर्छ भनेर आन्दोलन गरिरहेका छन्नी भन्ने पत्रकारहरुले सोधेको प्रश्नमा पाख्रेलले भने–‘कोशी भनेको किराँतहरुको ऐतिहाशिक थलो हो ।’ उनले भने-‘खुवालुङ किराँत सभ्यताको प्रतिक भएको र त्यो कोशी नदी भित्र रहेको छ ।’ अब प्रदेश सरकारले यस क्षेत्रको भाषिक, साँस्कृतिक र ऐतिहाशिकतालाई सम्वोधन गर्ने गरी प्रदेश सरकारले कार्यक्रम ल्याउने नै छ र अहिलेको द्धन्द्ध समाधन हुनेमा आफू ढुक्क रहेको पोख्रेलले बताए ।
सो कार्यक्रममा वोल्दै पोख्रेलले नेकपा एमालेको विग्रिएको संगठनात्मक चरणहरुलाई सुधार्नको लागि मिसन ग्रास रुट कार्यक्रम संचालन गरिएको स्पष्ट पारे । उनले ०६२/०६३ को जनआन्दोलन पछि नेकपा एमालेका नेताहरुले राजनीतिक क्रान्ति समाप्त भएको घोषणा गर्नु गल्ती भएको औल्याए । राजनीतिक परिवर्तन समाज परिवर्तनको माध्याम भए पनि ०६२/०६३ को जनआन्दोलन पछि कुनै पनि वर्गलाई सत्तामा पु¥याउन नसकेको उनको टिप्पणी थियो । चुनाव भनेको वर्ग संघर्षको मोर्चा हो, यसमा नेकपा एमाले चुकेको वताए । जस्ले गर्दा चुनावी परिणाम आगामी ४ वर्ष पछि राम्रो ल्याउनको लागि देशव्यापी रुपमा मिसन ग्रास रुट कार्यक्रम संचालन गरिएको पोख्रेलले स्पष्ट पारे ।
वैठक पछि नेकपा एमालेको प्रदेश अन्तर्गतका १४ वटै जिल्ला अध्यक्षहरुले संयुक्त रुपमा विज्ञप्ती जारी गरेर पार्टी अध्यक्ष केपी शर्मा ओली माथि पहिचानवादीहरुले सांघातिक आक्रमणको प्रयास गरेको भन्दै विरोध जनाएका छन् । उनीहरुले वैसाख १३ गते एमाले अध्यक्ष एवं पूर्व प्रधानमन्त्री ओलीलाई झापाको वुद्धशान्ति गाउँपालिकाको वुधवारे, इलाम, पाँचथर र तेह्रथुमको आठराईमा आयोजित विभिन्न कार्यक्रममा सम्वोधन गर्न जाँदा ढुङ्गामुडा गरेको भन्दै घट्नाको निन्दा गरेका छन् ।
उनीहरुले भनेका छन्‘अपराधिक कृयाकलाप गर्ने जोकसैलाई पक्राउ गरी कानूनी दायरामा ल्याउन र साम्प्रदायिक अतिवादी जातिय सदभाव् भड्काउन नदिन वर्तमान सरकारलाई जोडदार माग गर्दछौं ।’ विज्ञप्तमिा प्रदेश नं.१ का १४ वटै जिल्लाका एमाले अध्यक्षहरुले हस्ताक्षर गरेका छन् ।
- Dhankutapress
