धनकुटा प्रेस अनलाईन खवर सम्वाददाता 

धनकुटा/धनकुटा जिल्लामा आगामी फागुण २९ गते देखि चैत्र तिन गतेसम्म दादुरा रुवेला विरुद्ध खोप लगाईने भएको छ ।

जिल्ला स्वास्थ्य कार्यालय धनकुटाले सोमवार सरोकारवालाहरुलाई एकै थलामो भेला पारेर आयोजना गरेको जानकारीमूलक कार्यक्रममा यस्तो जानकारी दिइएको हो । कार्यक्रममा वोल्दै जिल्ला स्वास्थ्य कार्यालय धनकुटाका प्रमुख योगराज घिमिरेले दादुरा रुवेला रोग विरुद्धको राष्ट्रिय खोप कार्यक्रमको वारेमा सहभागीरुलाई जानकारी गराएका थिए । 

उनले धनकुटा जिल्लाको सात पालिकामा ३ सय १५ वटा खोप केन्द्रमा दादुरा रुवेला विरुद्ध आगामी फागुण २९ गते देखि चैत्र ३ गतेसम्म खोप लगाउने तयारी भैरहेको जानकारी दिए । नौ महिना देखि ५ वर्ष मुनीका वालवालिकाहरुलाई खोप लगाईने छ । जिल्लामा ८ हजार ८ सय, ६७ वालवालिकाहरुलाई दादुरा रुवेला विरुद्ध खोप लगाउने लक्ष्य जिल्ला स्वास्थ्य कार्यालय धनकुटाले लिएको छ । 

जस अन्तर्गत धनकुटा नगरपालिकामा २ हजार, १ सय २०, पाख्रीवासमा १ हजार, ५७, महालक्ष्मी न.पा.मा १ हजार, २ सय, २८, छथरजोरपाटी गाउँपालिकामा ९ सय, ५७, सहिदभूमिमा १ हजार, १ सय, ५९, साँगुरीगढीमा १ हजार, ५५ र चौविसे गाउँपालिकामा १ हजार, ९१ जनालाई खोप लगाउने लक्ष्य रहेको छ । खोप लगाउनको लागि ३ सय १५ वटा केन्द्रमा ६ सय ३० जना स्वास्थ्य स्वयमसेवक परिचालन गरिने तयारी भएको स्वास्थ्य कार्यालय धनकुटाका प्रमुख योगराज घिमिरेले वताए । उनले खोप अभियानलाई सफल पार्न सहभाागी जनप्रतिनिधि, सामाजिक संघ संस्थाका प्रमुख एवं प्रतिनिधि, पत्रकार, सुरक्षा निकाय सवै–सवैलाई आग्रह गरेका छन् । 

जिल्ला समन्वय प्रमुख एवं जिल्ला स्वास्थ्य समन्वय समितिका प्रमुख निरेन तामाङको अध्यक्षतामा सम्पन्न कार्यक्रममा उप–प्रमुख सावित्रा राई, धनुटा नगरपालिकाका उप–प्रमुख भिमा खनाल, प्रमुख जिल्ला अधिकारी पून्यविक्रम पौडेल लगायत अन्य सरोकारवालाहरुको उपस्थिति रहेको थियो ।

• Dhankutapress