धनकुटा प्रेस अनलाइन खवर सम्वाददाता
धनकुटा/धरान धनुकटा लोकमार्गको घण्टे मुलघाट सडक खण्डको गुर्जूवामा मोटरसाईक र मारुती भ्यान एक आपसमा ठोकिदा एक जनाको घट्ना स्थल मै मृत्यु भएको छ ।
सोमवार साँझ् करिव साडे वजे भएको सडक दुर्घटनामा परि साँगुरीगढी गाउँपालिका वडा नं.६ का वर्ष २३ का दिवश तामाङको घट्ना स्थलमै मृत्यु भएको हो । साँगुरीगढी गा.पा.वडा नं.६ को सिम्सुवा झरना देखि लावरवोटेतर्फ आउँदै गरेको को १ च ३२८० नम्वरको मारुती भ्यान र मुलघाटबाट घण्टेतर्फ जाँदै गरेको को ३३ प ८३५७ नम्वरको पलचर मोटर साईकल एक आपसमा ठोकिदा तामाङको घट्ना स्थल मै मृत्यु भएको हो ।
मोटर साईकल चालक साँगुरीगढी–६ घण्टे घर भएका अभिषेक लिम्वू र मारुती भ्यान चालक झरना घर भएका वर्ष २९ का तुलवहादुर राई (याम्फू दाई) भने गम्भिर घाईते भएका छन् । घाईते दुवैको विपि कोईराला स्वास्थ्य विज्ञान प्रतिष्ठान धरानमा उपचार भैरहेको छ । मृतक तामाङलाई पनि विपि मै लगिएको छ ।
भ्यान चालक तुलवहादुर राई (याम्फू दाई) भने लावरवोटेमा भूमिआयोग धनकुटाका अध्यक्ष बलवहादुर राईको नातीको छेवारमा निम्तो मान्न आउने क्रममा दुर्घटनामा परेका थिए । मोटर साईकलमा सावार तामाङ र लिम्वू भने मुलघाटमा फुटवल हेरेर घण्टेतर्फ घर फर्कने क्रममा दुर्घटनामा परेको स्थानियले बताएका छन् । तिव्र गतिको कारण दुर्घटना भएको प्रहरीले जनाएको छ । मोटर साईकल र मारुती भ्यानमा पूर्ण रुपमा क्षति पुगेको छ ।
