सुष्मिता थिङ तामाङ

धनकुटा प्रेस सम्वादाता

धनकुटा/जिल्ला प्रशासन कार्यालयमा कार्यरत एक जना कर्मचारीमा कोरोना भाइरसको संक्रमण देखिएपछि अत्यावश्यक वाहेकका सबै सेवा बन्द गरेको छ । 

सार्वजनिक सूचना जारि गर्दै आज वुधवार १२ गतेदेखि लागु हुने गरि आागामी भाग १८ गतेसम्म अत्यावश्यक वाहेकका सेवाहरु वन्द गरिएको निमित्त प्रमुख जिल्ला अधिकारी रामनारायण श्रेष्ठले बताए ।   

जारी गरिएको सूचनामा नयाँ नागरिक, नागरिकता प्रतिलिपी, नावालक परिचय पत्र सम्वन्धी कार्य, राहदानी वितरण, दु्रत सिफारिश तथा राहदानी प्रयोजनको लागि नागरिकता अभिलेख प्रमाणिकरण, राष्ट्रिय परिचय पत्र सम्वन्धी कार्य, संघ÷संस्था दर्ता, नविकरण तथा संघ/संस्था सम्बन्धी अन्य कार्यहरु, पेन्सन सम्बन्धी कार्य, हातहतियार नविकरण तथा विष्फोटक पदार्थ अनुमति पत्र सम्वन्धी कार्य, अन्य प्रमाणित तथा सिफारिस लगायतका सेवा वन्द गरिएको छ । 

त्यस्तै शान्ति सुरक्षा सम्वन्धी कार्य, मुद्धा सम्वन्धी कार्य, विपद् तथा विपद् व्यवस्थापन सम्वन्धी कार्य, अत्यावश्यक आन्तरिक प्रशासनिक कार्य भने सुचारु हुने बताइएको छ ।

• dhankutapress.com