धनकुटा प्रेस अनलाईन खबर सम्वाददाता
धनकुटा/धनकुटाको मुढेबास प्रहरी चौकीमा कार्यरत प्रहरी सहायक निरीक्षक असई प्रकाश चौधरी मृत फेला परेका छन ।
मंगलवार बिहान कोठामा घोप्टो परिरहेको अवस्थामा ४१ वर्षीय चौधरी मृत भेटिएका हुन ।
प्रेसरको समस्याका कारण असई चौधरीको मृत्यु भएको हुनसक्ने अनुमान गरिएका धनकुटाका प्रहरी प्रवक्ता डीएसपी राजबाबु महर्जनले जानकारी दिए ।
एक दिन अघि देखि नै समस्या भयो भनेर डिउटी पनि गर्न नसकेको र मंगलवार विहान कोठामा हेर्न जाँदा आफु सुत्ने कोठामा चौधरी मृत भेटिएको डिएस्पी महर्जनले वताए ।
मृतकको शवलाई पोष्टमार्टमको लागि मंगलवार नै धरान स्थित् विपि कोईराला स्वास्थ्य विज्ञान प्रतिष्ठान धरान पठाइएको उनले वताएका छन् । मोरङ घर भएका चौधरी मुडेवास प्रहरी चौकीमा इन्चार्जको रुपमा कार्यरत थिए ।
- Dhankutapress
