धनकुटा प्रेस सम्वाददाता 

धनकुटा/धनकुटामा ९ बर्ष अघि नवजात शिशुलाई कर्तव्य गरी मारेर फरार रहेका एक फरार अभियुक्तलाई प्रहरीले पक्राउ गरी धनकुटामा सोमवार सार्वजनिक गरेको छ । 

    वि.सं.२०७० साल असार ७  गते नवजात शिशुको हत्या गरी धनकुटा नगरपालिका–५ विहिबारे हटियाको खोल्सीमा फाली फरार रहेका साविक भोजपुर जिल्लाको सिद्धेश्वर गाविस हालको भोजपुर नगरपालिका वडा नंं. ४ घर भएका वर्ष ४३ का प्रेमकुमार राउतलाई प्रहरीले काठमाडौँ महानगरपालिका वडा नं. ९ गौशला एरियाबाट पक्राउ गरेको हो । उनी त्यहाँ नक्कली नाम दिएर होटल संचालन गरेर वसेको भन्ने सूचनाको आधारमा पक्राउ गरिएको प्रहरीले जनाएको छ । 

राउतले एक महिलासँग अनैतिक सम्बन्ध राखी बच्चा जन्माएको र ति महिलाबाट जन्मिएको बच्चा बच्चालाई मारेर फालेको कसुरमा पक्राउ गरिएको प्रहरीले पत्रकार सम्मेलनमा जानकारी दिइएकोको छ । उक्त कसुरमा जिल्ला अदालत धनकुटाको मिति २०७४ कार्तिक २० गतेको सर्वस्व सहित जन्म कैदको फैसला, उच्च अदालत बिराटनगर धनकुटा इजालसको २०७५ असोज ८ गतेको  सुरुसदर फैसला र सर्वोच्च अदालतको २०७६ बैशाख १६ गतेको अन्तिीम जन्म कैदको फैसला पाएका निजलाई प्रहरीले सार्वजनिक गरेको हो ।  उनलाई आजै धनकुटा जिल्ला अदालतमा बुझाइएको  प्रहरी उपरीक्षक लक्ष्मीराज अधिकारीले जानकारी दिए । 

• Dhankutapress