धनकुटा प्रेस सम्वाददाता
धनकुटा/ प्रदेश नं.१ को ३ हिमाली जिल्लाहरुमा जर्मन सरकारको सहयोगमा जलवायू उत्थानशिल सामुदायिक बन परियोजना संचालन हुने भएको छ ।
आई.के.आई. जर्मन सरकारको आर्थिक सहयोगमा संचालन हुने २ वर्षे परियोजनाको प्रारम्भिक चरणको अन्तरक्रिया कार्यक्रम सरोकावालाहरु विच मंगलवार तेह्रथुमको वसन्तपुर वजारमा सम्पन्न भएको छ ।
सामुदायिक बन उपभोक्ता महासंघ १ नम्वर प्रदेश समितिको आयोजनामा सम्पन्न प्रारम्भिक अन्तरक्रिया कार्यक्रममा इसिमोडका डा.भास्कर सिंह कार्कीले परियोजनाको बारेमा विस्तृत् जानकारी गराएका थिए । त्यसैगरी जलवायू उत्थानशिल निर्माण वा पद्धतीका वारेमा इसिमोडका नविन भट्टराईले सहजीकरण गरेका थिए । जलवायू उत्थानशिल बन वातवरण प्रणाली सम्वन्धि इसिमोडकै डा.विश्वास चितले सहजीकरण गरेका थिए । फेकोफोन प्रदेश नं.१ का अध्यक्ष तुलसी संग्रौलाले संस्थाका वारेमा जानकारी दिएका थिए ।
सो अवसरमा आयोजित अन्तरक्रिया कार्यक्रममा परियोजना संचालन हुने तिन वटै जिल्लाका पालिका प्रतिनिधिहरुको सहभागीता रहेको थियो । सामुदायिक वन उपभोक्ता महासंघका पदाधिकारी एवं सदस्यहरु, इसिमोडका प्रतिनिधि, १ नम्बर प्रदेश वन तथा वातवरण मन्त्रालयका प्रतिनिधि, डिभिजन बन अधिकृत लगायतका गरी ५० जनाको सहभागीता रहेको थियो । परियोजनाको मुख्य उदेश्य भनेको ३ वटै हिमाली जिल्ला भित्रका ५० वटा सामुदायिक वनको जलवायू उत्थानशिल कार्यक्रम तयार गर्ने रहेको छ । त्यसैगरी जैविक विविधताको संरक्षणका लागी जैविक मार्ग निर्माण गर्ने र जिविकोपार्जनमा सघाउ पु¥याउने रहेको छ ।
परियोजनाको कूल लागत १ करोड, १२ लाख, रुपयाँ रहेको छ, भने परियोजना कार्यान्वयन गर्ने अवधी फ्रव्रुअरी २०२२ देखी जनवरी २०२४ सम्म रहेको छ ।
- धनकुटा प्रेस
