धनकुटा प्रेस सम्वाददाता 

धनकुटा/धनकुटा नगरपालिका वडा नं.७ जिरोपोइन्ट नजिकै मंगलवार दिउँसो आगलागी भएको छ । स्थानिय बालकृष्ण श्रेष्ठको टिनको छानो र वाँसको टाटले बारेको गाई गोठमा आगलागी भएको हो । विधुत सर्ट भएर आगलागी भएको हुन सक्ने प्रहरीले अनुमान लगाएको छ । आगलागी के कारणले भयो भन्ने यक्किन हुन नसकेको प्रहरीले जनाएको छ । आगलागी के कसरी भयो भनेर अनशन्धान भैरहेको प्रहरीले जनाएको छ । 

धनकुटा नगरपालिकाको २ वटा दमकल, प्रहरी र स्थानियवासीको सक्रियतामा आगो पूर्ण रुपमा नियन्त्रणमा लिन सफल भएको जिल्ला प्रहरी कार्यालय धनकुटाका प्रवक्ता ओमप्रकास निरौलाले जानकारी दिएका छन् । आगलागीबाट गाई गोठ, भान्सा घर, लत्ताकपडा, भाँडा वर्तन, फर्निचर जलेर पूर्ण रुपमा नष्ट भएको प्रवक्ता खनालले बताएका छन् ।

आगलागीबाट ३ लाख बराबरको क्षति भएको हुन सक्ने प्रहरीले बताएको छ । आगलागीबाट कुनै पनि मानविय वा चौपाय क्षति नभएको र आगलागी के कारण भयो भन्ने विषयमा अनुशन्धान भैरहेको प्रहरीले जनाएको छ ।  

• dhankutapress