धनकुटा प्रेस सम्वाददाता 

जितपुर/धनकुटा जिल्लाको महालक्ष्मी नगरपालिकाले पालिका भित्र नीजि बिद्यालयका सवारी साधन संचालनमा सोमवार देखी रोक लगाएको छ ।

महालक्ष्मी नगरपालिकाले सोमवार सार्बजनिक सुचना जारी गर्दै पालिका भित्रका सबै वडामा निजी विद्यालय बन्द गरिसकेको अवस्थामा अन्य पालिकामा रहेका निजी विद्यालयका स्कुल बसहरू प्रवेशमा रोक लगाएको हो । जारी सूचना भनिएको छ–‘यस पालिका भित्र प्रवेश गरी बालबालिकाहरू निजी विद्यालय लाने गरेको जनगुनासो स्थायिन स्तरबाट आएकाले रोक लगाइएको हो ।’सूचना प्रकाशन भएको मितिबाट महालक्ष्मी नगरपािलका क्षेत्र भित्र कुनै पनि निजी विद्यालयका अन्य पािलकाका स्कुल बस अर्थात् विद्यालयका सवारी साधनहरू प्रवेशको पूर्ण रुपमा रोक लगाइएको सूचनामा उल्लेख गरिएको छ ।

महालक्ष्मी नपाका प्रमुख ध्रुर्वराज रायाले सोमबार सूचना जारी गरेर अन्य पालिकामा रहेका निजी विद्यालयको बस तथा अन्य सवारी साधन गुडाउन नपाउने जानकारी गराएका हुन् । नगरपालिकाको यो कदमले छिमेकी पालिकाका निजि वोर्डिङ्ग संचालकहरु र महालक्ष्मी नगरपालिकाका वो आफ्ना वालवालिकाहरु पालिकाका वाहिरका वोर्डिङ्ग पढाउने अभिभावकहरुलाई केही न केही प्रभाव पर्ने देखिन्छ । 

• dhankutapress