सन्तवीर लामा

धनकुटा – धनकुटाकै उत्कृष्ट सहकारी रुपमा धनकुटाको सिधुवामा रहेको शुलभ बचत तथा ऋण सहकारीले आफ्नो लगानी बढाएर १२ करोड पु¥याएको जनाएको छ ।

सुलभ वचत तथा ऋण सहकारी संस्था लि.ले आफ्नो १८ औं बार्षिक साधारण सभा आयोजना गरेरे आफ्नो शेयर सदस्यहरुलाई यस्तो जानकारी गराएको हो । गत बर्ष ९ करोड, २५ लाख, ४९ हजार, ९ सय ८ लगानी गरेको सो संस्थाले शनिबार साधारणसभा गरेर १२ करोड, ८१ हजार, ९ सय १७ रुपैंया ऋण लगानी गरेको जानकारी दिएको छ । अशुली भने ९ करोड, ७३ लाख, ७५ हजार, १ सय ५८ रुपयाँ रहेको वताइएको छ ।

कार्यक्रममा संस्थाका व्यवास्थापक नीरा अधिकारीले आव ०७७÷०७८ मा १६ करोड कारोवार र निक्षेप चुक्ता पुँजी ९ करोड वरावरको भएको जानकारी दिए । उनले संस्थाको शेयर रकम २ करोड, २७ लाख, ४४ हजार, ४ सय रहेको वताईन ।  व्यवस्थापक अधिकारीले संस्थाको स्वयम शेयर सदस्यको कुनै कारणले मृत्यु भएमा संस्थाको तर्फबाट सदस्य सुरक्षण कोषबाट ४१ हजार आर्थिक सहयोग गर्ने पनि यो वर्ष देखी व्यवस्था गरिएको वताईन । संस्थाले शेयर सदस्यहरुलाई शेयर वोनस वापत ८ प्रतिसत, कारोवार वोनस ३५ प्रतिसतसम्म दिने गरेकोमा यो वर्ष देखी २५ प्रतिसत मात्र दिने व्यवस्था गरिएको जनाइएको छ । त्यसैगरी शेयर सदस्यहरुलाई व्यापार कर्जामा ११.७५ प्रतिसत, कृषि, पशुमा ९ प्रतिसत र गाडीघोडा खरिदमा ११.७५ प्रतिसत व्याजदर कायम  गरिएको छ । 

संस्थाका अध्यक्ष मेघेन्द्र गुरुङ्गको अध्यक्षतामा सम्पन्न कार्यक्रममा छथर जोरपाटी गाउँपालिकाका अध्यक्ष शेर बहादुर लिम्बु, जिल्ला सहकारी संघका अध्यक्ष खगेन्द्र सुवेदी, स्थानिय बिभिन्न बैक तथा बित्तिय संस्थाका प्रमुख एवं प्रतिनीधिहरुले संस्थालाई सफलताको शुभकामना दिएका थिए ।

• selokhabar