धनकुटा प्रेस सम्वाददाता
धनकुट/कार्यपालिका निर्वाचनमा माओवादी केन्द्रले लिखित सहमती विपरित कार्य गरी धोका दिएको भन्दै एमालेले पत्रकार सम्मेलन गरेर मंगलवार विरोध जनाएको छ ।
एमाले धनकुटाले पत्रकार सम्मेलन मार्फत माओवादीसंग गरिएको लिखित संझौतामा राजनैतिक बेइमानी भएको जनाएको छ । नेकपा एमाले जिल्ला अध्यक्ष इन्द्रमणी पराजुलीले गठबन्धनबाट बाहिरीने भनेपछि माओवादीसंग आफुहरुले सहकार्य गरेको बताए ।
जिल्लाका सात पालिका मध्ये माओवादी र एमालेले सहकार्य गर्दै भागबन्डा मिलाएर जाने भन्दै पा“च बु“दे लिखित सहमती गरिएको थियो । एमालेले माओवादीलाई चौबिसे, सा“गुरीगढी, सहिदभुमी गाउ“पालिका र पाख्रिबास नगरपालिकामा १÷१ जना कार्यपालिका सदस्य दिने सहमती भएको थियो । यस्तै, धनकुटा, महालक्ष्मी नगरपालिकामा ३÷३ सदस्य तथा छथर जोरपार्टी गाउ“पालिकामा ४ जना कार्यपालिका सदस्य दिने निर्णय गरि सहमति गरिएको विज्ञप्तिमा उल्लेख छ ।
दुवै पार्टीका नेतृत्वहरु सहभागी भएर लिखित समहती गरिएको थियो । जसमा माओवादीका जिल्ला इन्चार्ज हेमराज भण्डारी, केन्द्रीय सदस्य धममाया विश्वकर्मा, जिल्ला संयोजक डिल्लीराम राई, प्रदेश नं.१ सह सचिव ऋषिराम भण्डारी सहभागी थिए । यस्तै एमालेका जिल्ला इन्चार्ज राजेन्द्र राई र अध्यक्ष पराजुली सहभागी थिए । एमाले नेता गोपाल गुरागाईले कटुता र धोकालाई मात्र माओवादीले राजनीतिको रुपमा लिएको आरोप लगाए । उता, माओवादी केन्द्रका जिल्ला इन्चार्ज हेमराज भण्डारीले सहमती भएको स्वीकार गरे । घटनाबारे टेलिफोन कुराकानीमा उनले एमाले जिल्ला नेतृत्वसंग सहमती गरिएपनि पालिकास्तरको सोहि पार्टीबाट सहमती अस्वीकार गर्ने जानकारी पाएपछि आफुहरुले पनि एमालेलाई मत नदिएको बताए । उनले गठवन्धन फुटाउन र आफू बलियो हुन एमालेले गम्भिर षडयन्त्र गरेकाले आफूहरु पछि हट्नस परेको दावी गरे ।
- dhankutapress
