धनकुटा प्रेस सम्वाददाता
धनकुटा/ वैसाख–३० गते हुने स्थानिय तह निर्वाचनको लागी नेकपा एमाले धनकुटाले भने जिल्लाको ७ वटै स्थानीय तहको उम्मेदवारको टुंगो लगाएको छ ।
एमाले धनकुटाका जिल्ला सचिव निरन राईका अनुसार प्रदेश कमिटीले ७ वटै स्थानीय तहको उमेदवारको छनौट गरेर जिल्लामा पठाएको जनाएका छन्् । जस अनुसार धनकुटा नगरपालिकाको प्रमुखमा चिन्तन तामाङ, उपप्रमुखमा भीमा खनाल, पाख्रिवास नगरपालिकाको प्रमुखमा भीम राई, उपप्रमुखमा नम्रता देउजा, महालक्ष्मी नगरपालिकाको प्रमुखमा दीपक बुढाथोकी, उप्रप्रमुखमा मञ्जु कार्की रहेका छन् ।
चौबिसे गाउँपालिकाको अध्यक्षमा राजकुमार चेम्जोङ, उपाध्यक्षमा टंकमाया मगर, साँगुरीगढी गाउँपालिकाको अध्यक्ष कुमारजंग याखा, उपाध्यक्षमा मुना राई, छथर जोरपाटी गाउँपालिकाको अध्यक्षमा शेरबहादुर लिम्बू, उपाध्यक्षमा गोमा कार्की, सहिदभूमि गाउँपालिकाको अध्यक्षमा मनोज राई र उपाध्यक्षमा रत्नश्वरी राई रहेका छन् ।
- dhankutapress
