धनकुटा प्रेस सम्वाददाता
धनकुटा/जिल्लाको छथरजोरपाटी गाउँपालिका वडा नं.१ हात्तिखर्कमा करेण्ट लागेर स्थानिय एक युवाको विहिवार मृत्यु भएको छ ।
छथरजोरपाटी गाउँपालिका वडा नं.१ हात्तिखर्क मादिवुङका शम्भु सेरेङ लिम्वुको घरमा विजुली विग्रिएकाले वनाउने क्रममा स्थानिय युवा वर्ष २९ का लक्ष्मण सेरेङ लिम्वुको करेण्ट लागेर मृत्यु भएको हो । घट्ना विहिवार विहान १०.३० वजे घटेको प्रहरीले जनाएको छ । शम्भू लिम्वुको घरको विधुत बिग्रीएको भन्दै वनाउनको लागि विजुलीको पोलमा चड्ने क्रममा अचानक करेण्ट लागेर लक्ष्मणको घट्ना स्थलमै मृत्यु भएको जिल्ला प्रहरी कार्यालय धनकुटाले जनाएको छ ।
घट्ना पछि लिम्वुको लास पोष्टमार्टमको लागी जिल्ला अस्पताल धनकुटा ल्याइएको जिल्ला प्रहरी कार्यलय धनकुटाका डिएस्पी एवं प्रवक्ता चिरिन्जिबी दाहालले वताएका छन् ।
- Dhankutapress
