Breaking News
धनकुटाको हिलेमा वुद्ध जयन्तीको अवसरमा औतारी लामाबाट वाङ्ग अभिशेक साथै शान्ति ¥याली सम्पन्न    ||     ‘पहिचानको आन्दोलनलाई बलियो बनाउन पहिचानवादी मोर्चा गठन’–डा.लावती    ||     नेपाल तामाङ घेदुङ प्रदेश नं.४ को अध्यक्षमा राम ब्लोन तामाङ चयन    ||     भीमनारायण गोल्डकप : एपीएफ र विर्तामोड युनाईटेड क्लव झापाविच उपाधिको लागि भिडन्त हुने    ||     भीमनारायण गोल्डकप : एपीएफ फाइनलमा    ||     भीमनारायण गोल्डकप : कडा प्रतिष्पर्धाको विच आयोजक सेमीफाइनलमा    ||     जिल्ला घेदुङ धनकुटाले आगामी फागुण–१२ गते हिलेमा सोनाम ल्होछार मनाउने    ||     ६ सय केजी गाँजा सहित ट्याङ्गकर प्रहरी नियन्त्रणमा    ||     चौतारीको २६ औं स्थापना दिवशमा विरामीलाई फलफूल वितरण    ||     चौबिसे रनिङ्ग कप फुटवल प्रतियोगिताको उपाधि वडा नं.६ राजारानीलाई    ||    

‘जाउँ है पोखरा’ अभियान धनकुटामा

  •   ८ महिना अघि | १९ कार्तिक २०८०, आइतवार

धनकुटा प्रेस अनलाईन खवर सम्वाददाता 

धनकुटा/‘आन्तरिक पर्यटन नै दिगो पर्यटनको आधार हो’ भन्ने नारा सहित धनकुटामा आएर आइतबार होटल संघ पोखराले धनकुटाका नागरीकलाई पोखरा भ्रमणको निम्ता दिएको छ ।

धनकुटाको होटल मुर्चुङ्गामा एक कार्यक्रमको आयोजना गर्दै होटल संघ पोखराले धनकुटाका नागरीकलाई पोखरा भ्रमणको निम्ता दिएको हो । संघले दुई दशक अघि सुरु गरेको जाउँ है पोखरा अभियान आईतबार धनकुटा आइपुगेको हो । पोखरा महानगरपालिकाको प्रबद्र्धनमा कात्तिक १६ गतेबाट कात्तिक २० गतेसम्म सञ्चालन हुने अभियान यो बर्ष जनकपुरबाट सुरु भई विराटनगर, बिर्तामोड हुँदै धनकुटासम्म आइपुगेको संघका अध्यक्ष लक्ष्मण सुवेदीले जानकारी दिए ।

उनले पूर्वी नेपालबाट पर्यटकलाई पोखरा पठाउने र पोखराबाट समेत पर्यटकलाई पूर्व पठाउने संघको अभियान नै रहेको बताए । कार्यक्रममा बोल्दै उनले अभियानपछि पोखराबाट २ हजार ५ सय पर्यटक धनकुटा ल्याउने समेत प्रतिवद्धता व्यक्त गरे । कोभिड–१९ को कारण थला परेको पर्यटन व्यवसायलाई पुनरुत्थान गर्ने उद्धेश्य पनि यस अभियानले लिएको भन्दै उनले राज्यले व्यवसायीहरुको लागि कुनै योजना नल्याउदा दुःख लागेको धारणा राखे ।

प्राकृतिक र धार्मिक सहित सहासिक खेल पर्यटनका लागि पोखरा उत्कृष्ठ गन्तव्य भएकोे बताउदै उनले धनकुटा पनि एक उत्कृष्ठ पर्यटकिय गन्तव्य भएकोले आन्तरिक पर्यटन प्रवद्र्धनमा एक अर्का बिच सहयोग र सहकार्य गर्न आवश्यक रहेको बताए । पोखरामा पर्यटकका लागि झण्डै ५ खर्वको लगानी भएको जानकारी गराउदै अध्यक्ष सुवेदीले ती होटलहरुमा ४० हजार बेड रहेको जानकारी दिए । 

कार्यक्रममा जिल्ला समन्वय समिती धनकुटाका प्रमुख निरेन तामाङ्गले धनकुटाको पर्यटन विकासका लागि पोखरासग सहकार्य गर्नुपर्ने बताए । उनले होटल संघ पोखराले सञ्चालन गरेको यो अभियानले आन्तरिक पर्यटनका लागि एक महत्वपूर्ण सुरुवात भएको बताउँदै यस्ता अभियान धनकुटाले पनि सुरुवात गर्नुपर्नेमा जोड दिए । 

त्यस्तै धनकुटा नगरपालिकाका उपप्रमुख भिमादेवी खनालले धनकुटाको पर्यटन विकासका लागि यो अभियान महत्वपूर्ण भएको बताईन । कार्यक्रममा धनकुटाका होटल व्यवसायी, उद्योगि,व्यापारी तथा सञ्चारकर्मीहरुको उपस्थिती रहेको थियो । पोखराबाट आएका होटल संघका अध्यक्ष सहित पदाधीकारी तथा सदस्यहरुलाई होटल एसोसीयसन धनकुटाले विषेश स्वागत गरेको थियो ।


  • Dhankutapress

थप