धनकुटा प्रेस अनलाईन खबर सम्वाददाता
धनकुटा/‘दिगो उत्पादनमा महिला र युवालाई प्रोत्साहन’ भन्ने मुल नाराको साथ १९ औं राष्ट्रिय कफी दिवसको अबसरमा अन्तरक्रिया कार्यक्रम धनकुटामा सम्पन्न भएको छ ।
अन्तरक्रिया कार्यक्रममा सहभागी वक्ताहरुले कफी खेतीको प्रवद्र्धन र संरक्षणका जोड दिएका छन् । कफीको व्यवसायिक खेतीको लागि तिनै तहको सरकारले लगानी गर्नु पर्नेमा सहभागीहरुले जोड दिएका छन् ।
शुभकामना तथा अन्तरक्रिया कार्यक्रम कोशी प्रदेशका पुर्व अर्थ तथा योजना राज्य मन्त्री माननीय निरन राईको प्रमुख आतिथ्यतामा सम्पन्न भएको थियो । जिल्ला कफी ब्यवसायी संघ धनकुटाले आयोजना गरेको अन्तरक्रिया कार्यक्रममा राष्ट्रिय चिया तथा कफी बोर्ड हिले धनकुटाका नि.कार्यालय प्रमुख बसन्त राजभण्डारी, कृषि ज्ञान केन्द्र धनकुटाका प्रमुख नगेन्द्र राना, डिभिजन बन कार्यालय धनकुटा का नि. प्रमुख उत्सब थापा लगायतको उपस्थिति रहेको थियो ।
अन्तरक्रिया कार्यक्रमको संचालन जिल्ला कफी ब्यवसायी संघ धनकुटाका सचिव सूर्य आठपहरियाले गरेका थिए ।
- Dhankutapress
