धनकुटा प्रेस अनलाईन सम्वाददाता

धनकुटा/वरिष्ठ साहित्यकार झमक घिमिरेले तिजको नाममा दिन प्रतिदिन विकृति फैलिदै गएको वताएकी  छन् । निशान भगवती मन्दिरमा सनिवार मन्दिर व्यववस्थापन समिति र भीमदल गण धनकुटाले संयुक्त रुपमा आयोजना गरेको ‘शुभकामना आदन प्रदान तथा मातृ शक्तिलाई सम्मान’ तिज वशेष कार्यक्रमलाई सम्वोधन गर्दै घिमिरेले यस्तो बताएकी हुन् ।

निशान मन्दिरको प्राङ्गगणमा आयोजना गरिएको तिज विशेष कार्यक्रममा वरिष्ठ साहित्यकार घिमिरेलाई प्रमुख अतिथि रुपमा निम्त्याइएको थियो । सो अवसरमा प्रमुख अतिथि घिमिरेले खुट्टाले लेखेर तयार पारेको शुभकामना मन्तव्य मन्दिर व्यवस्थापन समितिका महासचिव जनार्दन घिमिरेले वाचन गरेर सहभागी माँझ सुनाएका थिए । उनले लेखेको शुभकामना मन्तव्यमा आफन्तसंग भेटघाट, खानपान र रमाइलो गर्ने पर्व तिज पछिल्लो समयमा विकृति वढ्दै गएको बताईन । अझ् महँगो कपढा लगाउने होडवाजी र होटल होटलको आडम्वरी खानपानले गर्दा तिजपर्व नेपाली समाजमा परम्परा देखि चलिआएको मौलिकता गुम्दै गएको झमकले वताईन । घिमिरेले तिजको विकृतिलाई हटाउँदै अघि वढ्नु पर्नेमा जोड दिएकी छन् । 

तिज विशेष कार्यक्रममा साहित्यकार घिमिरेलाई कार्यक्रम आयोजक संस्थाहरुको तर्फबाट सम्मान गरिएको थियो । उनलाई प्रमुख जिल्ला अधिकारी पून्यविक्रम पौडेल, भीमदल गणका गणपति प्रमुख सेनानी सुमन थापा, मन्दिर व्यवस्थापन समितिका महासचिव जनार्दन घिमिरेले दोसल्ला ओडाएर सम्मान गरेका थिए । 

वि.सं.२०३७ साल असार २१ गते धनकुटा नगरपालिका वडा नं.६ कचिडेमा जन्मिएकी झमक घिमिरे नेपाली साहित्यको उर्वबर फुलवारीमा प्रभावशाली साहित्यकारको रुपमा चिनिन्छन् । उनको जन्मदै हातगोडा नचल्ने, हिड्न नसक्ने वोल्न नसक्ने भएपनि सुन्न र वुझ्न भने सक्छिन् । उनको दुई खुट्टाको तिन औला चल्ने र तिनै औलाको साहाराले लेख्ने गरेकी छन् ।

उनले प्रवल गोरखा दक्षिणवाहु, जीवन काँडा कि फूल आत्मकथाबाट मदनपुरस्कार, झमक घिमिरेको कविताहरु, अवशान पछिको आगमन नामको दर्जनौ कृतिबाट राष्ट्रिय÷अन्तराष्ट्रिय दजैनौ सम्मानले विभुषित भई सकेकी छन् । तिज विशेष कार्यक्रममा धनकुटा वजारमा रहेका विभिन्न संघ संस्थाका प्रमुख एवं प्रतिनिधिहरुको उल्लेख्य सहभागिता रहेको थियो । 

अन्य तस्विरहरु :

• Dhankutapress