धनकुटा प्रेस अनलाईन खबर सम्वाददाता 

धनकुटा/धनकुटामा विजयादशमीको अवसरमा शनिबार फूलपाति बढाई गरीएको छ । धनकुटाको निशान भगवती मन्दिरमा विजयादशमीको सातौ दिन अर्थात फूलपातिको अवसर पारेर मन्दिरबाट डोलिमा निशान बोकेर बजार परिक्रमा गरी त्यस पश्चात टुढिखेलमा विशेस पुजाआज गरी फूलपाति बढाई गरीएको हो ।

धनकुटामा वि.सं. १८३१ सालदेखि यसरीनै फूलपाति बढाई गरीदै आएको छ । झाँकिसहित निशानदेवीमा असोक, केरा जयन्ती, हलेदो वेलपत्र, धान, सामा, दारीम र माने लगायतका विभिन्न नौ प्रकारका वनस्पतिका साथ डोलिमा राखेर विषेश पुजा गर्ने चलन रहेको छ ।

हिन्दुहरुको महान पर्व बडादसैंको सातौँ दिन फूलपातीको अवसरमा सनिवार धनकुटाको तल्लो टुडिखेलमा निशान भगवतीको विशेष पुजा आराधाना तथा हर्कबढाईं कार्यक्रमको आयोजना गरिएको छ ।

धनकुटा नगरपालिका वडा नं.६ विच वजारमा रहेको प्रसिद्ध धार्मिकस्थल निशान भगवती मन्दिरबाट डोलीमा निशानलाई बोकेर धनकुटाको टुडिखेलमा पु¥याएपछि विशेष पुजा आराधाना गरिएको थियो । टुडिखेलमा पुजाआराधना र हर्कवढाँई पछि टुडिखेलवाट धनकुटा वजारको परिचयमोड, चुवाकोवोट, हुलाकटोल मदनचोक, यलम्वरचोक हुँदै वजारको विभिन्न भागको परिक्रमा पछि पुनः निशान भगवतीलाई निशान मन्दिर मै प्रतिस्थापन गरी पूजाआराधना सहित फूलपाती भित्र्याइएको थियो । नेपाली सेनाको विशेष प्रश्तुती रहेको हर्कवढाँईमा कार्यक्रममा निशान वोकेर वजारको विभिन्न भागको परिक्रमा गर्ने क्रममा सर्वसाधरणको पनि सयौंको संख्यामा उपस्थिति रहेको थियो । 

सो अवसरमा नेपाली सेना, सशस्त्र प्रहरी र नेपाल प्रहरीको आ–आफ्नो टुकडीले सलामी दिएको थियो । करिब एक शताब्दी पहिले देखि सुरु भएको दशैंको फूलपातीको हर्कबढाईंले हरेक वर्ष निरन्तरता पाएको धनकुटा नगरपालिका वडा नं.७ परिचयमोडका स्थानिय बाजे पण्डित (बाजे) माधव दाहालले जानकारी दिए । उनले धनकुटा–५ वालमिन्दरमा रहेको सागर श्रेष्ठको घरबाट फुलपाती निकालेर निशानमा भित्र्याइएको वताए । 

कार्यक्रममा प्रमुख जिल्ला अधिकारी पून्य विक्रम पौडेल, नेपाली सेना भिमदल गणका गणपती प्रमुख सेनानी सुमन थापा लगायतका उपस्थिति रहेको थियो । 

साथै कार्यक्रममा जनप्रतिनिधिहरु, प्रशासनिक नियकाका प्रमुख एव प्रतिनिधिहरु,स्थानिय सञ्चारकर्र्मी, नागरिक समाजका अगुवा, संघसंस्थाका प्रमुख एवं प्रतिनिधि लगायतको उल्लेख्य सहभागिता रहेको थियो । नेपाली सेनाले फूलपाती हर्कबढाईंका अवसरमा ब्याण्डबाजा सहित विशेष प्रस्तुति दिएको थियो । त्यस्तै निशान मन्दिरमा दर्शन गर्न आउने भक्तजनको सनिवार उल्लेख्य भीड लागेको थियो ।

फूलपाति बढाईमा नेपाली सेना, शसस्त्र र नेपाल प्रहरीले सलामी दिएका थिए । नवरात्रभर दुर्गा सप्तशती चण्डी, श्रीमद्धेवीभागवत र अन्य देवी स्तोत्रको पाठ पारायण पनि गरिन्छ ।

पहिलो दिन शैलपुत्री, दोस्रो दिन व्रह्मचारिणी, तेस्रो दिन चन्द्रघण्टा, चौथो दिन कुष्माण्डा, पाँचौ दिन स्कन्दमाता, छैटौँ दिन कात्यायनी, सातौँ दिन कालरात्री, आठौँ दिन महागौरी र नवौँ दिन सिद्धिदात्री देवीको पूजा आराधना गरिने गर्ने गरिन्छ । घटस्थापनाको दिन विधिपूर्वक धान, जौं, मकैको जमरा राखिएको उक्त जमरा दशैंको टीकाको दिन उक्त जमरा देवीको प्रसादको रुपमा समेत वितरण ग्रहण गरिन्छ ।

• Dhankutapress