धनकुटा प्रेस सम्वाददाता 

धनकुटा/नेपाली कांग्रेस धनकुटा नगर समिति सभापति नरेश श्रेष्ठ र सदस्य शिव पुजन शाह पक्राउ परेका छन् । प्रहरीले पक्राउ गरि जिल्ला अदालतमा हाजिर गराइएका श्रेष्ठ र शाह वुधवार जनही ४० हजार रुपैया“ धरौटीमा छुटेका छन् । उनीहरुको मुद्धा अदालतमा जारी रहेको छ ।  

धनकुटा नगरपालिका ६ पाङसिङका राजन कार्की माथि गत मंसिर ८ गते आक्रमण भएको र कुटपिटबाट घाइते कार्कीले ज्यान मार्ने उद्योगमा नगर सभापति श्रेष्ठ र सदस्य शिव पुजन शाह विरुद्ध किटानी उजुरी गरेका थिए । कुटपिटबाट गम्भीर घाइते कार्की एमाले कार्यकर्ता हुन् । निर्वाचनमा भोट नदिएको प्रतिशोधमा आफु माथि श्रेष्ठ र साहले कुटपिट गरेको कार्कीले बताउदै आएका छन् । 

दुवै विरुद्ध ज्यान मार्ने उद्योगमा मुद्धा दायर गरिएकोले पक्राउ गरि अदालतमा हाजिर गराइएको जिल्ला प्रहरी प्रमुख लक्ष्मीराज अधिकारीले बताए । प्रतिनिधिसभा तथा प्रदेशसभा निर्वाचनमा एमालेले जितेपछि धनकुटा बजारमा आयोजित विजय र्यालीबाट फर्कनेक्रममा कार्की माथि धनकुटा ६ सल्लेरीस्थित आ“खा अस्पताल नजिक कुटपिट गरिएको जनाईएको छ । पक्राउ गर्न दवाव दिंदै एमाले निकट युवा संघ र झुटो आरोप लगाइएको भन्दै कांग्रेस निकट तरुण दलले केहि दिन पहिले प्रदर्शन समेत गरेका थिए । 

• Dhankutapress