धनकुटा प्रेस सम्वाददाता

धनकुटा/धनकुटा नगरपालिकमा मतगणना शुरु भएको छ । सनिवार  विहान ३ वजे देखी मतगणना शुरु भएको मुख्य निर्वाचन अधिकृतको कार्यालय धनकुटाले जनाएको छ । कार्यालयको अनुसार धनकुटा नगरपािलका वडा नं.४ स्थित् सामुदाियक भवन मुख्य निर्वाचन अधिकृतको कार्यालयमा कडा सुरक्षा घेरा विच मतगणना शुरु भएको हो ।

मतगणना स्थलमा सिसि क्यामेराले निगारानी गर्ने व्यवस्था गर्नुको साथै फलामको जाली तारले वारिएको छ । मतगणना स्थल र राजनितिक दलका प्रतिनिधि वस्ने स्थानको विचमा फलामको जाली लगाइएको छ । मतगणना स्थलमा दलका प्रतिनिधिहरुको मोवाईल निषेध गरिएको छ । 

धनकुटा नगरपालिकमा मेयर पदका लागी ४ जना र उपमेयर पदका लागी ३ जना चुनावी प्रतिष्पर्धा देखिए पनि मुख्य गरी नेकपा एमालेका चिन्तन थिङ तामाङ र गठवन्धनका उम्मेदवार दिनेश राई विच प्रतिष्पर्धा देखिएको छ । उपमेयर पदका लागी एमालेकी भिमा देवी खनाल राई र गठवन्धनका गणेश विष्ट विच प्रतिष्पर्धा देखिएको छ । धनकुटा नगरपालिकामा कुल मत २२ हजार, ७१ मध्ये १६ हजार, ४ सय १९ खसेको थियो । धनकुटा नगरपालिकमा कुलमतको ७१.४८ प्रतिसत मत खसेको थियो ।  

• Dhankutapress