धनकुटा प्रेस सम्वाददाता
राजारानी /धनकुटाको चौबिसे गाउँपालिकाको अध्यक्षमा एमालेका राजकुमार चेम्जोङ विजयी भएका छन् ।
लिम्बूले निकटतम प्रतिद्वन्द्वी गठबन्धनका उम्मेदवार नेकपा माओवादी केन्द्रका दलबहादुर मगरलाई १ हजार ४७ मतान्तरले पराजित गर्दै चेम्जोङले विजयी हात पारेका हुन् । उनले ५ हजार ३८ मत ल्याउँदा मगरले ३ हजार ९९१ मत ल्याएका छन् ।
चार हजार ९८३ मत पाएर एमालेकी टंकमाया मगर उपाध्यक्ष निर्वाचित भइन । उनले गठबन्धनका जनता समाजवादीका दिवा चेम्जोङलाई ९९५ मतले पराजित गरेकी हुन् । चेम्जोङले ३ हजार ९ सय ८८ मत पाए ।
अन्तिम मत परिणामअनुसार वडा नं. २, ३, ४, ५ र ८ मा एमालेका उम्मेदवार विजयी भएका छन् । वडा नं. १, ६, र ७ मा गठबन्धनका उम्मेदवार निर्वाचित भएको निर्वाचन कार्यालयले जानकारी दिएको छ ।
- Dhankutapress
