धनकुटा प्रेस अनलाईन खबर सम्वाददाता
धनकुटा/धनकुटा जिल्लाको महालक्ष्मी नगरपालिका वडा नं. २ का वडाध्यक्ष पदम रखाल मगरले आफूले पाएको सेवा सुविधाबाट विद्यालय पोशाक वितरण गरेका छन ।
वडाध्यक्ष मगरले एक कार्यक्रमबिच महालक्ष्मी नगरपालिका वडा नं. २ मा रहेको ऐश्वर्य आधारभुत विद्यालयका विद्यार्थीहरुलाई ट्रयाक सुट र टाइ वितरण गरेका हुन् । वडाध्यक्ष मगरले आफूलाई सरकारले दिएको सेवा–सुविधा बापतको रकम विद्यार्थिहरुलाई न्यानो कपढा सहयोग गरेको बताए ।
उनले विद्यालयका ३८ जना छात्र–छात्रालाई ट्राक सुट र टाइ वितरण गरे । आफूले वितरण गरेको कपडाबाट भाईबाहिनीले जाडोमा न्यानो पाउने विश्वास व्यक्त गरेका छन् । आफू शासक नभई जनताको सेवक भएकाले विद्यार्थीको आवश्यकता अनुसारको सामग्री वितरण गरेको उनको भनाइ छ । उनी गएको स्थानिय तहको निर्वाचनमा नेकपा (माओवादी केन्द्र) बाट वडाध्यक्षमा निर्वाचित वडाध्यक्ष हुन् ।
- Dhankutapress