धनकुटा प्रेस अनलाईन सम्वाददाता  

धनकुटा/दलित एकता संजाल, नेपाल धनकुटाको आयोजनामा तिन महिने सिलाई कटाई तालिम धनकुटामा सोमवार सम्पन्न भएको छ । 

धनकुटा नगरपालिका कार्यालयको १ लाख र वडा नं.६ को वडा स्तरिय २ लाख सहित ३ लाख रुपयाँको आर्थिक सहयोगमा तिन महिने सिलाई कटाई तालिम आयोजना गरिएको दलित एकता संजाल नेपाल धनकुटाका अध्यक्ष नारयण वि.क.ले जानकारी दिए । उनले तालिममा धनकुटा नगर क्षेत्रका विभिन्न वडाका १० जना महिला दिदिवहिनीहरुले भाग लिएका थिए । 

तलिमको सहजीकरण सिलाई कटाई प्रशिक्षक प्रेरणा श्रेष्ठ र दलित एकता संजाल नेपाल धनकुटाका सदस्य रेजिना हिङ्गमाङ्गले गरेका थिए ।

धनकुटा नगरपालिका वडा नं.६ का वडाध्यक्ष मिलन नेवा:खड्गीको प्रमुख आतिथ्यमा सम्पन्न तिन महिने सिलाई कटाई तालिम समापन कार्यक्रममा धनकुटा नगरपालिकाका आर्थिक विकास अधिकृत विकास अधिकारी, नयाँ नेपाल विचार साप्ताहिकका समपादक एवं प्रकाशक स्मीता निरौला लगायतले तालिमको सफलताको लागि शुभकामना मन्तव्य व्यक्त गर्दै तालिममा सिकेको ज्ञान सिपलाई सहभागीहरुले व्यवहारमा उतार्न सक्नु पर्नेमा जोड दिएका थिए । दलित एकता संजाल धनकुटाका अध्यक्ष नारयण वि.क.को अध्यक्षतामा तालिम सम्पन्न भएको थियो । 

• Dhankutapress