धनकुटा प्रेस सम्वाददाता 

सिधुवा/धनकुटाको छथरजोरपाटी गाउँपालिका वडा नं.६ सिधुवा वजारमा शुक्रवार साँझ आगलागी भएको छ ।

आगलागी सिधुवा वजारमा रहेको सन्तोष राईको घरमा रहेको मासु पसलबाट शुरु भएको स्थानिय मेघेन्द्र गुरुङ्गले  वताए । मासु पसल हिले घर भएका ललिता राईले संचालन गर्दै आएका थिए । आगलागी हुँदा घरधनी सन्तोष राई भने गाउँमा थिए ।आगलागीबाट अर्जुन घिमिरेको सिधुवा होटल रहेको घर, मोटर साईकल ग्यारेज भएको झमक वहादुर थापाको घर, डिक वहादुर खड्काको घर, होम वहादुर थापा घर सहित  ५ घरमा क्षति पुगेको छ । जसमध्ये सन्तोष राई र होम वहादुर थापको घर पुर्ण रुपमा क्षति भएको छथरजोरपाटी गाउँपालिका वडा नं.६ का वडाध्यक्ष दिपक गुरुङ्गले वताए । 

गुरुङ्गको अनुसार लालीगुराँस नगरपालिका र धनकुटा नगरपालिकाको दमकल, प्रहरी, नेपाली सेना, शसस्त्र प्रहरी र स्थानियवासीको सहयोगमा करिव डेड घण्टा पछि आगो नियन्त्रणमा आएको छ ।  

• Dhankutapress