धनकुटा प्रेस सम्वाददाता 

धनकुटा/जिल्लाको छथर जोरपाटी गाउँपालिका–३ गैरीगाउँका ६२ वर्षीय भगीश्वर लिम्बूको मंगलवार विहान हत्या भएको छ । 

उनलाई छिमेकी वर्ष–४० का तेज वहादुर लिम्वुले खुकुरी प्रहार गरि घाँटीमा काटेर हत्या गरेको प्रहरीले जनाएको छ । हत्याको आरोपमा तेजबहादुर लिम्बूलाई प्रहरीले कार्तिक– २३ गते विहान गिरफ्तार गरेको छ ।

कार्तिक २३ गते बिहान उठेर घर भित्र चुलाको छेउमा बसिरहेका बेला आएका आरोपित तेजवहादुरले पछाडिबाट धारिलो हतियार खुकुरी प्रहार गरि घाँटीमा काटेको प्रहरीले जनाएको छ । तिहारमा माइत आएको छोरीलाई घर पठाउन श्रीमती कमला देवी लिम्वुले खाना वनाईरहेको वेला भगिश्वर पनि भर्खर उठेर गफ गर्दै चुलाको छेउमा वसी रहेका थिए । त्यहि मौकामा तेजवहादुरले खुकरी प्रहार गरेको छिमेकी एवं छथरजोरपाटी गाउँपालिकाका निवर्तमान पालिका अध्यक्ष शेरवहादुर लिम्वुले वताए । मृतक भगिश्वरको शव पोष्टमार्टमको लागि धनकुटा अस्पताल ल्याइएको धनकुटाका प्रहरी प्रमुख एसपी लक्ष्मीराज अधिकारीले जानकारी दिएका छन् ।

घटनाको प्रारम्भिक अनुसन्धानबाट तेजबहादुर मानसिक रोगी भएको खुल्न आएको एसपी अधिकारीले बताए । घटनाको विषयमा गहिरो अनुसन्धान भईरहेको प्रहरीले जनाएको छ । 

• Dhankutapress