धनकुटा प्रेस अनलाइन खवर सम्वाददाता 

धनकुटा/धनकुटामा पहिरोले घरमा पुरिएकी एक महिलाको जीवितै उद्धार गरिएको छ । धनकुटाको छथरजोरपाटी गाउँपालिका–२ सल्लेकी २० वर्षीया सिर्जना मगरको स्थानीय र प्रहरीले जीवितै उद्धार गरेका हुन् । 

घरमा बसिरहेको उनीलाई घर भन्दा निकै माथिबाट आएको पहिराले घरसहित पुरेको छथरजोरपाटी–२ का वडाध्यक्ष कृष्ण मगरले जानकारी दिए । जीवितै उद्धार गरि उपचारका लागि जिल्ला अस्पताल धनकुटा पठाइएकोमा धनकुटामा उपचार हुन नसकेपछि धरानस्थित बिपी कोइराला स्वास्थ्य विज्ञान प्रतिष्ठान पठाइएको छ । घरमा उनी मात्र रहेको र उनको बाबुआमा घाँस काट्न गएको बेला पहिरो आएको वडाध्यक्ष मगरले जानकारी दिए । पहिरोका कारण गोठमा १० वटा बाख्रा, गाई र बङ्गुर पहिरोले पुरेको वडाध्यक्ष मगरले जानकारी दिएका छन् ।

यता निरन्तरको वर्षाले जोरपाटी बजारमा ४ घर, सल्लेमा ३ घर जोखिममा परेको वडाध्यक्ष मगरले जानकारी दिए । निरन्तरको वर्षाले छथर जोरपाटी वजार आसपासमा लगाएको अधिकांश तरकारी बालीमा क्षति भएको छ। वर्षाकै कारण धनकुटाको सिधुवा जितपुर सडक पूर्णरुपमा बन्द भएको छ। त्यसैगरी धनकुटा नगरपालिका वडा नं.३ मा पहिरो र चटुयाङ्गमा परी आधा दर्जन भन्दा वढी चौपायको मृत्यु भएको वडाध्यक्ष विकास घिमिरेले बताएका छन् । 

• dhankutapress