धनकुटा प्रेस सम्वाददाता 

धनकुटाध/नकुटा नगरपालिका वडा नं.६ पाङ्गसिङ्ग टोलका वर्ष ३० का राजन कार्की निवर्तमान सोहि वडाका वडाध्यक्ष नरेश श्रेष्ठको कुटाईबाट गम्भिर घाइते भएका छन् ।

राजन र उनका साथी वर्ष ३२ का तिलक कार्की नेकपा एमालेको विजय जुलुसमा भाग लिएर घर फर्कने क्रममा विहिवार साँझ ८ बजे निवर्तमान वडाध्यक्षको कुटाईबाट गम्भिर घाईते भएको वताएका छन् । उनले आफूहरु २ भाई एमालेको विजय जुलसको कार्यक्रम सकेर घर फर्कने क्रममा धनपा–६ सल्लेरीमा रहेको डम्पिङ साईडको खोल्सीमा बाटो ढुकेर कुटपिट गरेको बताएका छन् । 

कुटपिटबाट कार्कीको देव्रे आँखाको माथिल्लो भागमा गम्भिर चोट लागेको छ । शरिरको विभिन्न भागमा पनि चोट लागेको उनले वताएका छन् । उनीसंगै घर फर्किदै गरेको वर्ष ३२ का तिलक कार्कीलाई पनि ढाडमा एक पटक हानेको थप हान्न खोज्दा भागेर ज्यान जोगाएको कार्कीले बताए । राजनले आफूलाई रगताम्य हुने गरी कुटिसकेपछि श्रेष्ठले हल्ला गरिस वा प्रहरीलाई भनिस भने मारि दिने धम्कि दिएको बताए ।

कार्कीले आफूलाई ज्यान मार्ने गरी निर्घात कुटपिट गरेको भन्दै शुक्रवार जिल्ला प्रहरी कार्यालय धनकुटामा निवर्तमान वडाध्यक्ष नरेश श्रेष्ठ र सिपु भनिने शिव पुजन शाहा लगायत ४ जना विरुद्ध लिखित उजुरी दिएको वताए । प्रहरीले घाईते कार्कीको घाउजाँच केस फाराम जिल्ला अस्पताल धनकुटामा शुक्रवार गरेको बताएको छ । प्र्रहरीले घट्नाको सम्वन्धमा गहिरो अध्ययन गरेर र दुवै पक्ष राखेर छलफलबाट उत्पन्न समश्याको सामधान खोज्ने वताएको छ । 

यता कुटपिट गरेको भनिएको आरोपित धनपा–६ का निवर्तमान वडाध्यक्ष नरेश श्रेष्ठले आपफूले कोहिकसैलाई कुपिट नगरेको बताएका छन् । साँझ ८ वजे आफू पार्टीको समिक्षा मिटिङमा रहेको र कुटपिटको घट्नामा आफ्नो कुनै पनि संलग्नता नरहेको स्पष्ट पारेका छन् । 

• Dhankutapress