धनकुटा प्रेस अनलाईन खवर सम्वाददाता
धनकुटा/धनकुटा नगरपालिका वडा नं.६ अमलेटारमा मंगलवार विहान एक स्थानिय यूवा माथि खुकुरी प्रहार भएको छ ।
धनकुटाको औधोगिकग्राम नजिकै घर भएका वर्ष १६ का सूमन भूजेल माथि मंगलवार विहान करिव ११ वजे खुकुरी प्रहार भएको हो । धनकुटाकै एक यूवाले उनी माथि खुकुरी प्रहार गरेको प्रहरीले जनाएको छ । खुकुरी प्रहारबाट भूजेलको गर्दनमा गम्भिर चोट लागेको छ । उनलाई उपचारको लागि जिल्ला अस्पताल धनकुटामा ल्याइएको थियो ।
जिल्ला अस्पताल धनकुटामा उपचार हुन नसकेपछि थप उपचारको लागि भुजेललाई विपि कोईराला स्वास्थ्य विज्ञान प्तिष्ठान धरान पठाइएको जिल्ला प्रहरी कार्यालय धनकुटाका प्रवक्ता डिएस्पी राजवावु महर्जनले बताए । भूजेल माथि खकुरी प्रहार गर्ने यूवालाई स्थानियले पक्राउ गरी प्रहरीलाई बुझाएका छन् । पक्राउ परेको यूवाको नाम सार्वजानिक गर्न नमिल्ने प्रहरीले जनाएको छ ।
- dhankutapress
