धनकुटा प्रेस अनलाईन सम्वाददाता 

धनकुटा/धनकुटा नगरपालिका र पर्डेप नेपालको आयोजनामा सनिवार विहान सडक सरसफाइ कार्यक्रम सम्पन्न गरेको छ। मुख्य सडक सरसफाइ अभियान अन्तर्गत धनकुटा बसपार्कदेखि परिचयमोडसम्मको धरान धनकुटा राजमार्गको मुख्इ सडक सरसफाइ गरिएको हो । 

युएनडिपीको सहकार्यमा तथा पर्डेप नेपालको संयोजनमा धनकुटा नगरपालिकाले फोहोरमैला व्यवस्थापनको काम गरिरहेकोले सोही अनुसार राजमार्ग सरसफाई गरिएको पर्डेप नेपालका कार्यक्रम संयोजक मिनप्रसाद सुवेदीले जानकारी दिए । सडकमा उम्रिएको घाँस, प्लाष्टिकले फोहोर भएपछि सरसफाइमा गरिएको हो । कम्तीमा पनि आफ्नो घरवरपरको फोहोर आफैले उठाउने बानी भए गाउँ–टोल सफा रहने सुवेदीले बताए ।

देशकै सफा शहरको रुपमा पटकपटक पुरस्कृत भएको धनकुटा नगरपालिकाले साप्ताहिक रुपमा धनकुटा बजार तथा राजमार्ग सफाईको कार्यक्रम आयोजना गर्ने जनाएको छ। सरसफाईका क्रममा राजमार्ग छेउछाउमा फोहोर गर्नेलाई चेतावनी दिइएको धनकुटा नगरप्रमुख चिन्तन तामाङले जानकारी दिए ।

सरसफाइ कार्यक्रममा धनकुटा नगरपालिकाका प्रमुख चिन्तन तामाङ, धनकुटाका प्रमुख जिल्ला अधिकारी लिला केसी लगायत सुरक्षा निकायका प्रमुख तथा सुरक्षाकर्मीहरु, नागरिक समाज, संघसंस्था, स्थानीय तथा पत्रकारहरुको सहभागिता रहेको थियो ।

वसपार्कदेखि जिरो पोईन्टसम्मको सडकमा सम्वन्धित् पक्षको ध्यान जावस 

नगरपालिकाको सरसफाई अभियानमा पहिलो पटक परेको वसपार्क देखिको जिरोपोइन्टसम्मको तिन वर्ष अघि मुख्य मन्त्री नमूना सडकको रुपमा पुनःनिर्माण गरिए पनि क्षतविक्षेत भएको अवस्थामा छ । जिरोपोइन्ट देखी वसपार्कसम्मको करिव १ किलो मिटर सडक मापदण्ड विपरित दाँयावायाँ मिचिएको छ ।

कमसल पुनःनिर्माणको कारण सडक यत्रतत्र खाल्डाखुल्डी परेका छन् । दुई लेण्डको साँगुरो सडक ट्राफिक पोष्ट नजिकै भएपनि अतिक्रमणको कारण साँगुरीइएको छ । सडकको एक साईडमा जहिले पनि ढुवानीका ठुलाठुला सवारी सधान पार्किङ्ग, ग्रिल उद्योग संचालन, मोटरसाईकल ग्यारेज, कोशी ग्याँसको डिलर, किराना पसल, होटल सडकसंगै टसाएर संचालन गरिनाले कुनै पनि वेला गम्भिर दुर्घटना हुन सक्ने देखिन्छ । यस तर्फ सम्वन्धित पक्षको ध्यान जान जुरुरी छ । 

• Dhnakutapress