धनकुटा प्रेस सम्वाददाता

धनकुटा/ धनकुटामा अर्गानिक व्यवस्थापन समिति ¬(पिजीयस) गठन गरिएको छ । शनिबार एक कार्यक्रमका बिच युवराज दर्नालको अध्यक्षतामा ११ सदस्यीय धनकुटा समिति गठन गरिएको हो । 

समितिको उपाध्यक्षमा लालयन राई, सचिवमा बेद प्रसाद रोइला, सह–सचिवमा हिक्मत मगर र कोषाध्यक्षमा आशा राई चयन भएका छन् । त्यस्तै सदस्यहरुमा पदम बहादुर आले, केशब चेम्जोङ, उपेन्द्र खनाल, नारायण श्रेष्ठ, गणेश सुवेदी र मणिकुमार सुवेदी रहेका छन् । समितिले नारायण श्रेष्ठको संयोजकत्वमा गणेश सुवेदी र मणिकुमार सुवेदी सदस्य रहेको प्रमाणिकरण उपसमिति समेत गठन छ । त्यस्तै सीता बस्नेत, हिरा बस्नेत र तोर्ण राईलाई निरीक्षक तोकेको नव–निर्वाचित अध्यक्ष दर्नालले बताए ।

उनले यो समितिले धनकुटामा अर्गानिक खेति गर्न प्रोत्साहन गर्ने, माटोको प्रमाणिकरण गर्ने लगायतको काम गर्ने जानकारी दिए । अहिले प्रयोग भइरहेको रसायनिक पदार्थ बन्द गरेर प्रांगारिक मल प्रयोग गर्न थालेको ६ महिनादेखि १ वर्षसम्म माटो अगार्निक हुन समय लाग्ने भएकाले सो अवधिलाई निरीक्षण गर्ने बताए । प्रांगारिक मलको प्रयोग बढाउन किसानलाई सहजिकरण गर्ने दर्नालको भनाई छ । समितिले आगामि दिनमा भेडेटार, धनकुटा र छ नं. बुधबारेमा अर्गानिक उत्पादन विक्री केन्द्र राख्ने तयारी गर्ने दर्नालको भनाइ छ ।

कृषि ज्ञान केन्द्र धनकुटाले गत जेठ ३१ गतेदेखि असार ४ गतेसम्म प्रांगारिक कृषि प्रवद्र्धन मिसन कार्यक्रम अन्र्तगत तालिम आयोजना गरेको थियो । प्रांगारिक प्रमाणिकरण सम्बन्धि जिल्ला स्तरिय तालिम आयोजना गरेको समयमा सो समिति गठन गरिएको हो । तालिममा धनकुटा जिल्लाका ७ स्थानिय तहका २३ जना कृषकहरुको सहभागिता रहेको कृषि ज्ञान केन्द्र धनकुटाकी प्रमुख पूर्णमाया गुरुङले जानकारी दिइन् ।

• Dhankutapress