सविला मोक्तान तामाङ
धनकुटा प्रेस सम्वाददाता
धनकुटा/धनकुटा नगरपालिका वडा नं.६ गोठगाउँमा राष्ट्रिय धान दिवसको अवसरमा रोपाँई कार्यक्रम सम्पन्न भएको छ ।
राष्ट्रिय धान दिवश किसानहरूको राष्ट्रिय पर्व भएकाले वडा नं.६ को गोठगाउँमा रहेको मनकामना महिला कृषक समुहको आयोजनामा एक दिने धान रोपाँई कार्यक्रम सम्पन्न भएको हो ।
धनकुटा नगरपालिका वडा नं.६ को वडा कार्यालयको सहयोगमा आयोजना गरिएको एक दिने धान रोपाई कार्यक्रममा वडाध्यक्ष मिलन नेवा खड्गीले भाग लिएका थिए ।
सो अवसरमा अध्यक्ष खड्गीले राष्ट्रिय धान दिवशको उपलक्ष्यमा शुभकामना मन्तव्य व्यक्त गर्दै रोपाई कार्यक्रममा सहभागी भएका थिए ।
रोपाँई कार्यक्रममा धनपा–६ गोठगाउँका मनकामना महिला कृषक समुहका दिदिवहिनीहरुको उल्लेख्य सहभागिता रहेको थियो ।
- Dhankutapress
