धनकुटा प्रेस सम्वाददाता
धनकुटा/धनकुटाको पाख्रिवास नगरपालिका वडा नं= ९ मा घरायसी विवाद हुँदा बाबुले छोराको हत्या गरेका छन् ।
शुक्रवार विहान साँढे ८ बजेतिर घरायसी विवाद हुँदा पाख्रिवास वडा नं। ९, उत्तरपानीका ५४ वर्षका उपेन्द्र ठाडाले धारिलो हतियार प्रहार गरी छोरा ३० वर्षीय सन्तोषको हत्या गरेको प्रहरीले जनाएको छ । सन्तोष एक्लो छोरा हुन् । प्रहरीले छोराको हत्यामा संलग्न उपेन्द्र ठाडा मगरलाई खुकुरी सहित नियन्त्रणमा लिएको छ ।
जिल्ला प्रहरी कार्यालय धनकुटाका प्रवक्ता प्रहरी नायब उपरीक्षक चिरञ्जीवी दाहालले घटना घरायसी विवादका कारण बिहान साँढे ८ बजे बाबुले छोराको हत्या गरेको जानकारी दिए ।
- dhankutapress
