धनकुटा प्रेस सम्वादाता 

धनकुटा– कोशी लोकमार्गको सिधुवा चित्रे सडक खण्डको नुनथलामा सनिवार यात्रुवाहक वस दुर्घटना हुँदा लोकमार्ग ५ घण्टा अवरुद्ध भएको छ । 

झापाबाट तेह्रथुम जिल्लाको म्याङलुङ वजार जाँदै गरेको ना ५ ख ५२२३ नम्वरको यात्रुवाहक वस सनिवार विहान ११.३० वजे दुर्घटनामा परेको हो । छथरजोरपाटी गाउँपालिका वडा नं.६ को उकालो सडकमा वस जाँदै एक्कासी वसको पिकअफ टुटेर पछि छरेर भित्तामा ठोकिएको थियो । वसमा सवार यात्रु भने सकुशल रहेका छन् । 

वस सडकको भित्तामा गएर फसेकाले वसमा सवार यात्रु सकुशल रहेको प्रहरीले जनाएको छ । सडकको भित्तामा गएर वस ठोकिएर कोल्टिदा दिनभर जस्तो राजमार्ग अवरुद्ध भएको थियो । सवारी आवागमन ठप्प भएको थियो । सडक अवरुद्ध हुँदा दर्जनौ सवारी साधनहरु घण्टौंसम्म सडकमा अलपत्र पर्दा यात्रुले सास्ती व्यहोर्नु परेको थियो । इटहरीबाट क्रेन ल्याएर दुर्घटनामा परेको वस पन्साउँदा अपरान्ह करिव ५ वजे देखी राजमार्ग खुलेको थियो । 

• धनकुटा प्रेस